đaines ovtain muin gare sisa buonjosti, son muo bætta.
24 OLbmu bardne galle manna dokko, nuftgo su birra čallujuvvum læ; mutto voi dam suddogassi, gæn boft olbmu bardne bettujuvvu! dam suddogassi buorre lifči go rieǥadkættai lifči.
25 Mutto Judas, gutte su beti, vastedi ja celki: rabbi! jogo mon de læm? son sunji celki: don celkkik dam.
26 Mutto boradedin de Jesus laibe valdi, ja giti, doagjali ja mattajegjidassis addi, ja celki: valddet, borrat, dat muo rumaš læ.
27 Ja gæra son valdi, ja giti, sigjidi addi, ja celki: jukkat buokak dast;
28 dastgo dak muo varak læk, dam ođđa testamenta, mak ædnagi audast golgatuvvujek suddoidæsek andagassi addujume ditti.
29 Mutto mon digjidi cælkam, dast maŋas mon dam vidne muora šaddost im šat æmbo juǥa dam bæive ragjai, go dam ođđa mon dinguim juǥam aččam valddegoddest.
30 Ja go gittolusa lavllag si lavllom legje, de olljo varrai si manne.
31 De Jesus sigjidi cælkka: odna ija di buokak must værranæppet; dastgo čallujuvvum læ: gæčče mon časkam, ja ælo savcak bieđgganek.
32 Mutto maŋŋel, go bajasčuoǯǯelam læm, de din auddal Galilæai manam.
33 Mutto Petrus vastedi, ja sunji celki: jos vela buokak dust værranifči, mon im goassegen værran.
