Page:Hærramek ja bæsstamek Jesus Kristus ođđa Testament.pdf/100

92

26. Kap.

St. Matthæus

---

³⁴ Jesus sunji celki: duođai dunji cælkkam, odna ija, auddal go vuonccavarres biškkogoatta, de golm gærde don biettalak muo.

³⁵ Petrus sunji celki: jos vela duin jamičam, im du biettal. Nuft maida buok mattajægjek celkke.

³⁶ De Jesus muttom dalloi singuim bođi, mi Gethsemane goččujuvvu, ja mattajegjidassis celki: čokkanækket dasa, dam boddo go mon dokko manam ja rokkadallam.

³⁷ Ja son valdi Petrus ja guoft Sebedæis barnid guoibmen, ja morraši šaddagođi, ja sagga­rakkan son ballagođi.

³⁸ De sigjidi cælkka: muo siella sagga mor­rašest læ, gidda jabmem vuollai; orrot dast, ja goccet munji guoibmen.

³⁹ Ja auddalækkaš son vaʒi, muođoides ala luoitadi, ja rokkadallai, ja celki: ačačam! lægo væjolaš, de mannus dat gærra muo bagjelist erit! i daddekke nuftgo mon aigom, mutto nuftgo don aigok.

⁴⁰ Ja mattajegjides lusa son bođi, ja oađđemen sin gavnai, ja Petrusi celki: de æppet nabbo dalle di buftam oft bodduš munji guoibmen goccet.

⁴¹ Barggat goccet ja rokkadallat, amadek gæččalussi šaddat; vuoiŋ galle gærggad læ, mutto oaǯǯe læ rašše.

⁴² Fastain nubbe have son manai, rokkadallai, ja celki: ačačam! go væjolaš i læk, atte dat gærra muo bagjelist erit manna ærra lakkai go dam juk­kat galgam, de bottus du dattot dakkujubmai.

⁴³ Ja son bođi, ja fastain sin oađđemen gavnai;