Page:Fluors alpinas.djvu/92

From Wikisource
Jump to navigation Jump to search
This page has been proofread.

Rösetta.

Scha fix 'na rösa, Rösetta bella
Ta vista chera vez eau in quella;
Tü traunter tuottas fluors d'Engiadina
Est la regina.

Per te ün' era voless pineda,
In lö bellissem della valleda,
Lo coltiveda, con chüra pia,
Rösetta mia.

Luisa.

La fet il gnif tuot lung la saira,
Ed in vardet, nun se perche!
Filaiva launa alv' e naira
Fand ir bain spert il filadé.

Cul fil la fet pü voutas faira,
Ed eir cul pover filadé;
Avaiva glüna s-chüra, naira
Ed in vardet, nun se perche!

Spuser Luis' in prümavaira
Cuvaida sgür eau pü nun he!
La fess cun me eguela faira
Sco fet cul fil e filadé!