This page has been proofread.
Terribel dir! in pitschna, cuort' urella,
Per taunts povrets decisa füt la sort.
Immensa tomba, la vschinauncha bella;
Ais sepulida suot ün pan da mort!
18 Settember 1881.
Serenada.
Vi al tschel la glüna clera
Brilla bella da splendur;
Clam a te, o matta chera,
Nel silenzi del azur:
Buna not!
Dorma bain, o cher' amia;
Dorma bain, o dutsch tesor;
Orma tü, dell' orma mia;
Tü respir da quaist mieu cour!
Buna not!
Flur costaivla d'la valleda,
Del zardin tü prüma flur,
Dorma bain, tü matt' ameda,
Püra tü sco'l pür azur:
Buna not!
26 Gün 1881.
