Page:Fluors alpinas.djvu/80

From Wikisource
Jump to navigation Jump to search
This page has been proofread.


Giuvintschella, giuvintschella;
Rösa zarta della val,
Vain il temp d'la lungurella,
Mort ais uoss' il carneval!
Ün bel craunz per el prepara
D'fluors ornescha sia bara.

Penitenza hoz cumainza;
Pü giuns e gias nun od;
Be ans resta l'algordaunza
Da concerts, teaters, sot.
Tuot glivret! A bun ans vair,
L'an chi vain, cun nouv plaschair!

Giover, amer, agir, morir.

All' alba, cur l'umaun cumainza quia
Sa gita quaida, sco feliz' infaunt;
Cur el co crida innozaint e ria
E led, dolur el smauncha sül momaint,
Allur' giavüsch nell' orma soul favler:
»Laschè'm giover!«

Cur il solagl d'la vita pü s'eleva
E muoss' il muond a nus in sia splendur;
Il cour dalöntsoh da quaista povra greva,
In tschercha vo dad incontschainta flur;
Nel fop del pet bain sainta resuner:
»Tü stoust amer!«