Page:Fluors alpinas.djvu/68

From Wikisource
Jump to navigation Jump to search
This page has been proofread.


La gilgia.

Sco alva gilgia pü pompus' appera
Cur s-chüra not derasa sieu zindel,
Usche virtüd be pü sublima glüscha
Cur circundeda ais dal spiert del mel.


23 Favrer 1886.

II chaunt della chüna.

Dorma! dorma; cher infaunt,
Dorma sper ta mamma!
Sömgia, rösas innozaint!
Vaglia bain chi t'ama.

Dorma pür, il Tuotpossaunt
Guarda tia chüna;
Dorma, dorma, cher infaunt,
Sainza temm' üngüna!

Dorm', ils aungels sun cun te,
Tü leidezza mia!
L'univers est tü per me,
Fled dell' orma mia!