Page:Fluors alpinas.djvu/67

From Wikisource
Jump to navigation Jump to search
This page has been proofread.

Suicidi.

Hest tü fallo? O grand' ais la clemenza
Da Dieu! O spera fin tü poust sperer!
Nun standschanter in te l'etern' essenza,
Vair pentimaint po tuot regenerer!

»Il muond ais vöd per me! »tü dist« la vita
Ün pais! La fossa ho be dutsch repos!«
E sül pü bel da tia terraina gita
Morir voust tü? T'impaiss' a tieus amos!

T'impaiss' a quella, ch'a sieu pet 't nudriva
E chi't tret sü con chüra e pisser;
T'impais ad ella! E l'amur reviva
D'la vita, sch'eir il led te voul chalcher!

Nun fer chi'n vzand ta fossa ün esclama:
»Co gesch' ün tel chi d'vita s'ho privo;
Smanchet sieu Dieu e sia veglia mamma,
Ch'in el speraiva be dalet prüvo!«

La vusch dell' orma in te stess rimbomba:
»O viva, viva, sper' in Dieu sulet!«
Nun at piner dandet la fraida tomba;
Nun tössgianter chi prusa t'allattet!