This page has been proofread.
Ün mastrel, chi ho bger da fer.
Vus dschais cha nos stimo Mastrel,
Ünguotta ho da fer?
Bain bger, bain bger da fer ho el,
Sch'ün voul tuot calculer.
El la damaun stu cruschiner,
La pipa cunagir,
A plaz stu ir a baderler
Ed a gianter, s'implir.
Zieva mezdi stu el poser,
Poi a caffe stu ir,
Il tresettin stu el giover,
Las noviteds udir.
Turnand a chesa stu manger,
E poi darcho dormir
E ch'el ünguotta ho da fer,
Sus-chais vus auncha dir?
