Page:Fluors alpinas.djvu/46

From Wikisource
Jump to navigation Jump to search
This page has been proofread.


Da me artschaiva, tü tesor' amo,
Üna brancleda our dall' orma mia,
Cun tuott' amur, adüna: tieu Mattia.

Ursina.

La preziusa löng non fer, Ursina,
Tü gierls avuonda, cher' hest regalo;
Il prüvo temp d'la bella giuventüna,
Sco füm, o craja'm, ais bain bod passo!

Gio da tieu trun, sco füssast 'na regina,
Tü bgers amants sül schimmel hest tramiss;
Fand snöss da tuots ils giuvens d'Engiadina;
A pôs sco glieud d'ünguott' ils hest tü miss.

Ma quaista lera, craja'm, tü, Ursina,
Stu bod glivrer, ho memma löng düro;
Scha tü non voust gnir müffa sün baunch d'pigna,

Il prüm tarat chi vain, stu gnir piglio.
Fand snöss da tuots ils giuvens d'Engiadina
Fodas bain bgeras clapperost, Ursina!