This page has been proofread.
Damaun mamvagl in la valleda,
Vi Chamues-ch tramet ün mess,
Per cha la giuvna taunt ameda,
Sün mieu chasté la vegna svess!
Il »viv' Adina!« fo la rouda
Ed il brügir nun ho pü fin;
La fantasia da tuots as s-choda;
Effect famus del ferm, bun vin.
Quell' ais bain greiva intrapraisa!
Observ' il vegl Signur d'Ardez,
La buna glieud engiadinaisa
As sollever dandet eau vez!
II vegl chalger ho ün' armeda
Da contadins suot sieu comand;
Sieu pled ais fö in la valleda
El ho podair bain stravagant!
Ed il chastlaun: nun tem ünguotta;
Scha'l bap 's revolta, mort ad el!
O quella testa narra, bluotta,
Faro taglier, schabain mastrel!
