This page has been proofread.
La stozza plaina d'vin Vuclina,
Ils cavaliers faun ot clinger
E claman: Viva l'Engiadina,
Chi buns bacuns ans voul piner!
Evviva clam a quella perla,
Adina figlia del chalger;
Ne sur ne suot Fontauna Merla,
Eguel tesor ün po chatter!
L'ais ma fantschella la pü prusa,
Disch il chastlaun; sieu ögl brillant
Tres vin gagliard da Siracusa;
Eau stögl l'avair a mieu comand!
Sainz' ella he be lungurella;
Eau nun he pos ne not, ne di
E sia vist' amabla, bella,
Mieu sön tormainta saimper pü!
Del vegl chalger las fanfanojas
Nun tem; sa figlia stögl avair!
Vögl l'infitter d'rubins e zojas;
Tuot da mieu cour po ell' obtgnair!
