tabing-non (404) asin daing duwaduwa na su tagumpay nakapotong kuta sa satong mga pagmalasakit! Alagad dai nin sarong isip na namuyang omandorog sakuya; takot asin kaluyahan nin boot natuklasan ko sa mga may halangkaw na adal, kapasloan sa mga mayayaman, pagkadaing pagalamaam sa mga bagong-tawo, asin daing iba kundi sa mga kabukiran, sa mga destierro, sa mga makauugay natuklasan ko an sakong mga tawohan! Alagad dai bale! kun dai kita makakoa nin sarong haman na estatua, makinang sa gabos na pagkamugtak, su batong magaspang na satong bayaan pamamahalaan kan mga mapadigdi!”
Asin pakakapoti sa takyag si Basilio na naghihimaté saiya na dai na dai nya nasayod gabés, dinara sya sa laboratorio na pinagtatagoan nya kan saiyang mga producto quimico.
Sa ibabaw nin sarong lamesa igwa nin dakulang kajon nin sagrin oskuro, nakakaagid sa mga vajillang pirak na ipinagpaparasibpasiban kan mga mayaman asin kan mga hadé. Binuksan ni Simoun asin nahayag, sa ibabaw nin hapin na pula, an sarong lampara na original na marhay an porma. Su deposito garo sarong granada, dakula siring sa payo nin sarong lalaki, borobarana, nahihiling na garong mga tipasi sa laog, na isinasaladawan nin darakulang cornalina. Su obak bulawan na kalawangon na naaarog nanggad sagkod su mga poropilwang kan bungang-kahoy.
Maingat na gayong kinoa ito ni Simoun, asin pakahalea kan metsa, nahayag su sa laog kan deposito: bakal na may mga duwang centimetro su hibog asin malalaogan nin labing sarong litro. Pinaghahapot ni Basilio kan saiyang paghiling: dai nin anong nasabotan.
Dai nin ano man na mga paliwanag, maingat na gayong kinoa ni Simoun sa sarong armario an sarong frasco asin ipinahiling sa hagbayon su formula na nasusurat sa ibabaw.
“Nitro-glicerina!” an sabi ni Basilio sa hababang tingog, na kanayon sibog na daing ano-ano ihinarayo su kamot. “Nitro-glicerina! Dinamita!”
Kan pinaghohona nyang nasabutan na nya, nagpanurungkag su saiyang buhok.
“Oho, nitro-glicerina!” luhayluhay na inolit ni Simoun kaiba an saiyang malipot na hoyom asin mamongayang pinaghihilinghiling su frascong cristal; “la-
