284
mapasinalamat na mga kadudugo nangagholaw na magpapakasakit sinda tanganing makalda su hagbayon; alagad nin huli ta sinda gabos dai nakatipon nin tolong polong pisos, si Hermanang Bali siring sa giraray, nagkaigwa nin orog karahay na kaisipan. “An sukat nyatong gibohon makihumapot sa escribiente,” an sabi. Sa mga makauugay na itong mga tawo, su escribiente sa tribunal iyo su oraculo sa Delfos sa mga griego kan mga enot na panahon. “Kun taohan mo nin sikapat asin tabako,” an sabi pa, “isasabi saimo an gabos na katogonan na mabotog an saimong payo sa kadadangog saiya. Kun igwa kang pisos, ililigtas ka dawa na sa bitis ka na kan bitayan. Kan ilaog sa bilanggoan si Simon na sakong kanatad asin pinagparahampak, huli ta dai nakapagpahayag dapit sa paghab-on na nangyari sa harani kan saiyang harong, abaa! sa duwang sikapat may kabanga asin sarong rolyong bawang, kinalda ito kan escribiente. Asin nahiling ko si Simon na pahangang makalakaw asin napiritan na maghigda sa laog nin dai nagkulang sa sambulan. Ay! nalapa su saiyang itukaw, abaa! iyong saiyang ikinagadan!” Inako su hatol ni Hermanang Bali asin sya mansana an nangakong makikiolay sa escribiente; tinaohan sya ni Juli nin apat na sikapat (388) asin may idinugang na mga tapang usa na inayaman kan apo. Si Tandang Selo nangangayam na naman. Alagad daing nahimong ano man su escribiente: su bilanggo nasa Manila asin duman dai minalambat an saiyang kapangyarihan. Talastas na gayo kan escribiente na su saiyang ka pangyarihan dai minalampas sa sagkod kan Tiani, ala gad kaipuhan na naingatan nya an saiyang marhay na dangog asin mawalat saiya su tapang usa. “Alagad, matataohan ko kamo nin sa madonong na hatol asin iyo na magiba kamo kasi Juli sa Pangkatiwasayan na Hokom. Kaipuhan na omiba si Juli.” Su Panglalawigan na Hokom sarong tawong daing isusugad, alagad kun makita si Juli sakale mapahiling nin marhay na pakigugale: uya digdi an kadonongan kan hatol. Sa makuring grabedad dinangog kan Ginoong Hokom si Hermanang Bali, na iyong nagtataram, pigtataga
