72
sama sa ubang tawo nga nagatuo nga ang magbabaligyag alahas
nga si Simoun maoy usa ka magpapatigayon nga nagasugyot sa
mga punoan nga magahimo ug mga kalapasan aron ang mga
dinagmalan mopalit kaniya ug mga alahas . . . Ako mao ang
Maghuhukom nga buut mosilot sa usa ka paagi sa pamunoan,
ug gamiton kong hinagiban ang iyang kaugalingong mga sala,
gubaton ko siya pinaagi sa pag-ulog-ulog kaniya... Nagakinahanglan ako nga imong tabangan, nga gawion mo ang imong “influencia” sa imong mga kaubang batan-on aron paggubat nianang hinungog nga tinguha nga mahimo silang mga Katsila, nga mahisama sila sa mga Katsila, nianang tinguha sa pagkab-ut sa kasamahan sa mga katungod . . . Kon anha kamo moagi
nianang dalana, ang labing daku nga inyong madangat mao ang
usa ka malaksot nga hulad, ug ang lungsod kinahanglan nga
maninguha pagkab-ut ug butang nga labing bililhon, labing malahalon. Binuang nga daku ang pagpanglimbasug pag-usab sa bhunahuna sa mga punoan; aduna silay mga paagi nga daan nang
hinikay, gitaptapan ang ilang mga mata ug, gawas pa nga maoy
pag-usik lamang sa panahon, limbungan usab ninyo ang lungsod
pinaagi sa pagtanyag kaniya ug mga paglaum nga dili gayud
matuman ug sa ingon niini mohinabang kamo aron siya moduko na lamang sa atubangan sa malupigon. Ang angayan ninyong buhaton mao ang pagpahimulos sa iyang mga hunahunang binuang aron kini inyong idapat sa inyong kaugalingong kapuslanan.
Dili sila buut nga kamo mahisama sa lungsod nga Katsila? Maayo hinoon! Sa ingon niana, panglimbasug kamo nga molahi sa mga Katsila pinaagi sa paghingpit sa inyong kaugalingon kinaiya; paninguhaa ninyo pagpatindog ang sukaranan sa inyong yutang-natawhan . . . Dili sila mohatag kaninyo ug paglaum? Maayo hinoon! Ayaw kamo paglaum sa lungsod nga Katsila, paghago kamo ug laum sa inyong kaugalingon. Nagdumili sila paghatag kaninyo ug tinugyanan sa “Cortes?”1 Labing maayo!
Bisan pa kon makapadala kamo ug mga tinugyanan nga pinili
ninyo, unsa may takus nila mahimo didto sa “Cortes?” Ang
ilang tingog dili pamation, ug uyonan pa hinoon nila ang mga
kalapasan ug mga sayop nga mahimo sa ulahing mga adlaw
tungud kay sila mingtambong man didto. Kon labing diriyot
ang mga katungod nga ilang ihatag kaninyo, labing daku unya
ang inyong katungod sa pagbulag sa kagamhanang Katsila ug
______________
1 Kongreso kanhi sa Espanya. — P. sa Taghubad.
