This page has been validated.
- 63
baye nga nanambong didto sinugo sa ilang tinguha sa pagtan-aw
ug nga sa mga tuig nga nangagi mitan-aw kaniya nga daw wala
lamang makakitá, kon ugaling dili man mangyam-id, kadtong
tanang mga ginoo nga adunay mga salakyanan nga sa kanhing
panahon, sa diyutay pa siya, diriyot moligis kaniya sa taliwala
sa kalapukan daw gipaka-iró lamang siya, kadto silang tanan namati ug nagpatalinghog karon kaniya, ug pabation karon sila niya
ug mga butang nga talagsa da nilang hidunggan, mga butang
nga wala pa madungóg niadtong dapita; mahikalimót siya sa
iyang kaugalingon aron paghinumdom sa alaut nga mga tinonan sa umaabut nga mga adlaw, ug mao kadto ang pakigpulong
nga iyang balonon sa pagsulod niya sa katilingban...
