30
pabilin ba didto? napigsat siya? Ug ikaduha: ang mga mananap.
nga nangahimo nang bato nga akong nakita sa pipila ka “museo”
sa Oropa, wala ba kaha intawon kadto among-amongi sa usa
ka santos nga natawo sa wala pa lunopi ang kalibutan?
Labihan kaligdong ni Simoun sa pagsulti niini binutang sa agtang ang iyang tud*o sa karnot timaan sa usa ka halawom nga pagpalandong, nga si P. Camorro, maligdong usab kaayo, mitubag pag-ingon:
— Kinsay nasayud, kinsay nasayud!
— Ug sanglit nga “leyenda mangayud ang atong gihisgutan, ug mosulod na man kita karon sa lanaw, — matud ni P. Sibyla — ang Kapitan dagway adunay daghang takus ikasugilon ...
Niadtong higayona ang bapor nagapadulong na sa pungtod ug ang talan-awon nga makita sukad didto makapahibulong ka ayo tungud sa iyang kaanindot. Ang tanan nanghingangha. Sa ilang atubangan makita nga nagahaklad ang matahum nga la naw linibutan sa kalunhaw sa mga tanom sa kadaplinan ug sa mga bukid nga namunawpunaw didto sa halayo, daw usa ka dakung salamin nga dinayandayanan sa mga “esmeralda” ug mga “zafiro” ug gituyo pagbuhat aron panaminan sa langit. Dapit sa tuo makita ang kadaplinan sa lanaw nga daw nahaunlod, diin adunay mga wanang maanindot uyamut, ug didto sa halayo, daw nanganapkanap na lamang, malantaw ang lawis nga nabaliko nga gitawag ug Sungay: sa atubangan nagtuyarog ang bukid sa Makiling, maugdang, makahahadlok, pinurongpurongan sa mga panganod nga manipis: ug dapit sa wala ang pulo sa Talim, ang Susong-dalaga, diin makita ang mga gagmayng bungtod nga nanag-igdal sama sa suso sa usa ka dalaga diin kuhaa ang iyang ngalan.
Usa ka hinuyohoy nga mabugnaw nakapatuya sa tubig sa lanaw.
— Maayo kay nahinumdom karon ako, Kapitan, — miingon si Ben Zayb nga milihgi; — nakatultol ba ikaw diing dapita patya ang usa ka tawo nga gihinganlan ug Guevara, Navarra kun Ibarra?
Ang tanan nanan-aw sa Kapitan, gawas kang Simoun nga milingi sa laing dapit daw aron pagpangita usa ka butang sa tampi.
