- 347
nga magalapas sa balaod ug “managpakaulaw sa mga hangdong kapunongan sa Yutang Natawohan. Oo, mga ginoo, kini maoy ginapangayo dili lamang tungod sa kaayohan ning kapupod-an, dili lamang sa kaayohan sa tanang katawohan, kon dili usab sa ngalan sa Espanya, sa dungog sa ngalang katsila, sa kabantog mining lungsora, kay labaw sa tanang butang, kitang tanan pulos mga katsila ug ang bandila sa Espanya ugb., ugb.
Ug gitapos ang sinulat mining panamilita:
“Pumauli nga malinawon ang ma-isog nga manggugobot nga sa batid nga kamot nagmando sa kapalaran niining lung sod sa panahon nga labing lisod! Pumauli nga malinawon sa paghanggap sa mahumotong huyohoy sa Manzanares. Kami dinhi magpabilin ingon sa mga matinumanong mga magbalantay aron paghalad sa imong handumanan, pagdalayeg sa imong maalamon nga gimbut-an, ug pagpanimalos sa mahugawng buhat batok sa imong matahom gasa, nga among hipalgan bisan pag kinahanglan nga among pahubsan ang kadagatan! Ang malahalong gasa mao ang dayon nga bungdo sa imong katarong sa dugo ug kaisog.”
Giingon niini pagtapos ang sinulat nga nagkayamokat lamang ug sa wa pa gani mosilang ang Adlaw, gipadala ha ngadto sa buhatan sa pamantalaan nga tinugotan nang daari sa magsasaway. Ug gilayon natulog siya sama kang Napoleon sa tapos niini nahikay ang paagi sa paggubat sa Jena.
Gipukaw siya sa pagkabuntag nga giuli ang iyang sinulat uban sa gisulat sa pangulo nga nag-ingon nga ang Iyang Kamahalan nagabaod gayod sa dili paghisgot sa nahitabo ug nagtugon pagbakwi sa. mga hisgot nga gipalakaw, aron pag-ingon nga kanang tanan mga sugilanon lamang, mga palabawg sulti ug mga tumotumo.
Alang kang Ben Zayb kadtong hitaboa maoy pagpatay sa usa ka anak nga maayog dagway ug maisog, nga natawo ug gimatuto sa labihan ka sakit ug kabudlay ug, asa man karon idapat kadtong matahom niyang sinulat, ang pasundayag nga matahom sa pangandam sa bugno nga matarong? Ug sa paghunahuna nga sulod sa usa ka bulan kun duha mobiya na siya sa Pilipinas, ug ang sinulat dili mahimantala sa Espanya, kay unsaon sa pagsulti niana batok sa mga makasasala na Madrid
