19
layo. Ang lungsod ni Isagani atua mahamutang sa luyongdagat haduol sa baybayon.
Hilabihang nakatan-aw ni Simoun kang Isagani kini nahimangod, rriilingi ug nakigharong pagtan-aw nga mahagiton.
— Ug komusta man ang imong lalawigan? — nangutana si Simoun nga milingi kang Basilio.
— Kay ngano, wala ka ba diay makaila kaniya?
— Unsaon ko man pagpaka-ila kaniya nga wala man gayud ako makaanha bisan makausa? Matud pa nga kabus kono kaayo ang iyang mga molupyo ug dili mamalit ug mga pahiyas.
— Dili kami mamalit ug mga pahiyas kay wala man kami niana magkinahanglan — mitubag nga daw nasuko ug nasakit si Isagani. Usa ka pahiyum nahipintal sa maluspad nga ngabil ni Simoun.
— Ayaw lamang kahimangod, batan-on — mitubag siya; — wala akoy tuyo nga dautan sa pagsulti niana, apan sanglit gisuginlan man ako nga hapit ang tanang mga “curato” anaa sa kamot sa mga. pari nga “indio,” nakaingon ako sulod sa akong hunahuna: ang mga prayle maninguha gayud paghupot ug usa ka “curato” ang mga pransiskano malipay na lamang makahupot sa labing kabus nga mga “curato,” busa kon ang mga prayle ug mga pransiskano mohatag ug mga “curato” sa mga pari nga taga-dinhi, dagway kanang mga kuratoha wala na gayud intawon ing nahot. Na, mga ginoo, nunot kamo kanako kay manginom kita ug serbesa ug panghinauton ta ang kahamugawayan sa inyong lalawigan!
Ang mga batan-on mihatag ug pasalamat ug mibalibad nga kono dili sila manginom ug serbesa.
— Anugon kaayo riga dili kamo manginom ug serbesa — matud pa ni Simoun nga nasakit ug tinuod; — ang serbesa maayo kaayo, ug nakadungog ako karong buntag nga si P. Camorra miingon nga ang kaluyahon ug lawas sa mga pomopuyo dinhi nagagikan sa kadaghan sa tubig nga ilang imnon.
Si Isagani, nga maingon-ingon ug gitas-on kang Simoun, nahasinta sa pagkadungog ning mga sultiha:
— Ingna si P. Camorra — midali pagsulti si Basilio human niya sikha sa tago si Isagani — ingna siya nga kon tubig pa ang iyang pagaimnon inay sa alak kun sa serbesa, tingali maayo unta
