- 265
nakabasa kamo sa mga berso? Mao ra gayug si Don Costudio nga gihimog usa ka balak nga taki — ang isa ka tiil labing taas kaysa usa, gitaliwad-an sa usa ka sungkod ... Kon makita kana ni Isagani, tingali igasa sa iyang umaabut nga iyaan....
— Ania na si Isagani, mitubag ang usa ka tingog gikan sa hagdanan.
Ug ang malipayon nga batan-on mitungha nga masayag panagway, sinunod sa duha ka insik nga walay sinina, nga nagdalag mga dagku nga bandihado nga may sulod nga sud-an maanindot kaayog baho. Kini gisugat sa mga malipayong siyagit... Wala pa mahiabut si Pelaez, apan kay miabut na man ang panahon nga gitagal, ang tanan nanlinkod sa lamisa nga mga malipayon uyamut. Dayag na lamang, si Juanito dili gayud mahibalong motuman sa pulong...
— Kon, sa iyang dapit, si Basilio pa hinoon ang atong gidapit, miingon si Tadiyo, malingaw pa kita paglabi. Ato unta siya nga hubgon, aron- mosulti sa pila ka tinagoan.
— Ngano, si Basilio nga but-an, duna diay gitipigan nga mga tinagoan?
— Duna ba lang... ug mga hinungdanon ral ba kaayo. Adunay mga tanghaga nga siya day nagtipig sa yawi.... pananglitan, ang batan-on nga nawala, ang mongha...
— Mga ginoo, ang pansit lang-lang mao ang sabaw nga labing lami-an, misinggit si Makaraig; sumala sa makita mo, Sandobal, gisaktan sa mga libgos, mga pansit kun owang, itlog, tanghjun, mga piraso sa manok, ug daghan pa uyamut nga mga panakot. Sama sa unang halad, ihalad ta ang mga bukog kang Don Custodio; tan-awon ta kon unsay mga hunahuna nga matawo sa iyang ulo ...
Kining mga sultiha gisugat sa katawa ug talidhay.
— Kon mahibalo uroy siya ...
— Magdagan sa pag-anhi, mitubag si Sandoval; ang sabaw lami kaayo, unsay ngalan niini?
— Pansit lang-lang, sa ato pa, pansit nga ininsik, aron may kalainan sa pansit nga binuhat dinhi sa ato.
