264
husayan sa samang paghusay ang mga maanindot nga hunahuna, dili kay kadto dang higayona kutloon ang mga matahum nga damgo. Bisan sa wala pa si Don Custodio, kadaghan na kaayo kini mahitabo....
Sa taliwala sa hawanan ug ubos sa mga parol nga mapula, makita ang upat ka lamisang malingin, nga gipahimutang nga mag-inatbangay; maoy gigamit nga mga lingkoranan ang mga bangko nga kahoy nga malingin usab. Sa taliwa sa tagtagsa ka lamisa, sumala sa batasan sa pansitan, gipahimutang ang upat ka gagmay nga plato nga pinintalan nga gisudlag tagup-at ka matam-is matag usa, inubanan sa upat ka tasa alang sa tsa, nga tinabonan, tanan hinimo sa pinggan nga pula; sa atubangan sa mga bangko makita ang usa ka botilya ug duha ka kopa nga may bildo nga masihag.
Si Sandobal, nga kutikutihan kaayo, nagdukiduki sa tanan, mitilaw sa mga matam-is, nanan-aw sa mga kuwadro ug mibasa hangtod sa listahan sa mga bili sa pagkaon. Ang uban nagsulti sa ginahisgutan niadtong adlawa, sa mga magdudulang pransiyanhon ug sa kahibudngan nga sakit ni Simoun, nga matud pa sa uban hipalgan sa dalan nga samdan, ug matud usab sa pipila, buot unta kono maghikog. Dayag na lamang, ang mga banabana nagkalainlain. Si Tadiyo maylaing hindunggan, nga sarang katuhoan, matod pa niya. Si Simoun kono giatangan sa usa ka tawo nga wala hiilhi sa karaang plasa sa Vivac; ang tuyo kono mao ang panimalus, ug kamatuoran niini, si Simoun dili mohatag katin-awan. Ug gikan dinhi gihisgutan dayon ang mga tinagong pagdinumtanay, ug dayag na lamang, nahilakip sa paghisgut ang mga kalaki sa mga prayli, ug dihadiha usag-sa nag-asoy sa mga nabuhat sa mga kura sa ilang tagsatagsa ka lungsod.
Usa ka bulobalak, sinulat sa dagkung letra, gipilit sa taliwala sa bongbong, ug nag-ingon:
- Ang kabesilya ning pansitan sa
- kadaghanan nagpahimangno nga walay
- ibilin sa ilang da!a sa ibabaw
- sa mga lingkoranan ug lamisa
— Pagkabinuang da nianang pahimatngona .... nagkanayon si Sandobal; mao ra mag way pagsalig sa atong pundok, no? ug,
