231
kita niya ang usa ka ginoo nga may bungot nga kuha-kuha ug usa ka ilong nga taas kaayo.
— Porbida dili ba kana si Irenillo, nakasinggit siya.
— Oo, hikit-an ko kana siya didto sa sulod nga nakigsulti sa mga magdudula nga babaye.
Tuod man, si Pari Irene, nga mahigugmaon uyamut sa honi ug batid sa sinultihang pranses, gipadala ni Pari Salvi sa dulaan, sama sa usa ka polis-tiktik sa simbahan, ug mao kini ang iyang gibalibad sa mga tawo nga nakaila kaniya. Ug sama sa usa ka maayong magsasaway nga dili mopiyal sa pagtan-aw sa usa ka dula sa layo, mipadool gayud siya sa mga magdudula, misakot siya sa pundok sa mga maghahalad ug sa mga tawong posturawo, misulod sa ilisan diin ang tanang sinultihan pinaranses, usa ka pinaranses nga tinindahan, sinultihan nga madaling hisabtan sa mga magbabaligya kon ang pumapalit andam sa pagbayad bisan mahal ang baligya.
Si Serpolette, nga gilibutan sa duha ka maambong nga opisyal, usa ka marinero ug usa ka manlalaban, nakaalinggat kaniya nga nagdukiduki ug misulod sa tanang su-ok, ingon sa buot mosusi pinaagi sa iyang taas nga ilong sa mga tinagoan sa dulaan. Si Serpolette mihunong sa iyang pakigsulti, mipakisdum sa iyang kilay, gilurat ang iyang mga mata, gibuka ang iyang baba, ug, maabtik sama sa usa ka pransiyanhon, mibiya sa iyang gikasulti ug mikalit pagsunod, sama sa usa ka supot, sa magsasaway.
— Ttens, tiens, toutou, mon lapin... misinggit siya human guniti ang bukton ni Pari Irene, ug giuyog kini nga malipayon, pinalanog ang iyang tagming nga tingog.
Chut, chut... mitubag si Pari Irene, nga mihana ss pagtago.
— Mais, comment... toi ici, grosse bete.. .Et moi qui t’croyais.
— Fais pas d’ tapage, Lily.. .il faut m’respecter... suis ici l'pape.
Lugos makapoypoy si Pari Irene kang Lily. Kini ma hinangop kaayo nga nakahibalag siya sa Manila ug usa ka karaang higala, nga nakapahinumdum kaniya sa coulisses sa du-
«
