Ang kahimtang sa dulaan malipayon kaayo; puno uyamut sa tawo, ug sa entrada heneral, sa mga agianan makita ang daghang tawo nga nagtindog lamang, nanag-ilog sa pagpalabaw sa ilang ulo kun pagpasilang sa pagtan-aw sa taliwala sa usa ka dalunggan ug usa ka liog. Ang mga palko nga walay salipod, nga napuno ang kadaghanan kanila sa mga babaye, nahisama sa gagmay nga bukag sa bulak, kansang mga gihay nga gipalidpalid sa hoyohoy (maoy akong gisulti ang mga paypay), gipanibaan sa mga alibangbang. Mao ray nakaingon kay aduna may mga bulak nga maanindot ug baho ug aduna usay mga bulak nga makamatay, ug mao usab ang mga sultisulti ug hungihong nga madungog, adunay mga pulong nga usahay makasamad ug mahait. Mga tulo kun upat da ka palko nga wala pay sulod, bisan hataas na ang takna. Ang dula gipahibalo nga sugdan sa ika 8 ug tunga ang takna, ug ika 9, apan wala gihapon kabuksi ang tabil kay ang lyang Kamahalan wala pa moabut. Ang mga tawo didtoi sa entrada heneral, nga gilaayan nag pinaabut ug gipig-otan :sa ilang mga lingkoranan, nagsamot ug dibal, nagbasal sa ilang tiil ug nagtaguktok sa ilang mga ulisi sa salog.
— Bom, bom, bom ... ablihi na ang tabil...
Ang mga artolyero maoy mga sabaan kaayo. Ang mga sumusunod ni Marte (ang bathala sa Gubat), sumala sa gitawag kanila ni Ben Zayb, wala matagbaw sa pagtaguktok ug pagbasal. Sahi sa atua sila usa ka hawanan nga pagatorohan, sugaton nil a ang mga babaye nga mangagi sa mga pulong nga sa Madrid nga mga bulak, bisan usahay magdala sa baho sa basurahan. Sa walay pagtagad sa mga sulinga sa mga bana, gipahayag nila sa taas nga tingog ang mga pagbati nga nakapu
