8
nagakalo ug “sebastopol.” Makapahibulong ang iyang mga buhok nga tag-as ug pulos ubanon nga milahi sa iyang bungot sa sulang nga maitum ug mahinag, nagpaila sa iyang pagka-kaliwat ug kalibugan, Aron hisalipdan sa kahayag sa Adlaw ang iyang mga mata, kanunay siya nga nagataud ug usa ka dakung antiyohos nga bughaw nga nagasalikob sa iyang mga mata ug bahin sa iyang nawong, ug kining antiyohosa nakahatag kaniya ug panagway sa usa ka buta kun masakiton sa mata. Magabilangkad siya kon magabarog daw mahadlok nga mapukan, ug sinulod ang mga kamut sa mga bolsa sa iyang amerikana.
— Ang tambal masayon da kaayo — mibalik siya pagsulti — ug dili kagastohan bisan usa ka diyot.
Milabi ang kaikag sa iyang mga kasulti sa pagpamati kaniya. Sa katilingban sa Manila ginaingon nga kadtong tawhana mao ang magabuut sa pagabuhaton sa Hcneral, busa ang tanan nanagtoo nga ang tambal nga iyang giingon mamahimo gayud. Hangtud si don Custodio milingi usab.
— Magakalot ug usa ka kanal nga tanos gikan sa baba hangtud sa tumoy, ug anha ipaagi sa Manila; sa lain nga pagkasulti, magakalot ug bag-ong suba ug bunihon ang daang suba sa Pasig. Makadaginot kitag yuta, malaktod ang mga agianan ug ang mga danlak ug gapnod nga ipanganod dili na mahimong pungtod. Ang gipahayag si Simoun nakapahikurat sa hapit tanang namati kaniya, kay sila nangaanad man lamang sa mga paagi kun mga tambal nga dili makatigbak sa sakit.
— Maoy usa ka paagi nga kaugalingon sa mga amerikanhon! — miingon si Ben-Zayb, nga naninguhang kahimut-an ni Simoun. — Ang magbabaligyag pahiyas. nakapuyo kanhi ug dugay sa Tinipong Kabansaan.
Ang tanan nanagtuo nga ang paagi nga hihunahunaan ni Simoun dakuan uyamut ug nanag-utas silag yango-yango sa ilang ulo. Si don Custodio da, ang halapad ug pagpanghunahuna nga don Custodio, tungud sa iyang kahimtang nga wala magaagad sa lain ug tungud sa tag-as nga katungdanan nga iyang gihuptan, maoy mituo nga katungdanan niya ang pagsupak niadtong paagi nga wala maggikan kaniya — kadtong gibuhat ni. Simoun maoy usa ka pagpangagaw! — ug miigham siya, mihapyod sa iyang bungot ug sa iyang naandang paningog nga magpaarat daw nagasulti siya taliwala sa usa ka tigum sa “Ayuntamiento,” miingon:
