217
kahatag kanatog daghang hikat-onan. Tuhoi lang ako, Kiko, ang imong mga pamantala nga gisabwag mga maayo; apan labaw gayud ang Pastoral, ug gani wala pay nakabasa.
— Migoo, mitoo ka niana? nangotana nga daw hikulbaan si lyo Kiko; mitoo ka nga tungod sa pakig-indig ni Pari Salvi, dili na niya itugot ang akong mga dula?
— Tingali, Kiko, tingali, mitubag ang usa nga mihangad sa langit; labi na, ang salapi nagkanihit...
Si lyo Kiko mibagolbol pila ka pulong nga dili hisabtan; kon ang mga prayle mosulod sa pagka mamimilit sa mga pamantala sa mga dula, siya si Kiko mosulod na lamang usab sa pagka prayle. Ug human manamilit sa iyang migoo, mibulag nga nangigham ug nagpatagingting sa iyang salapi.
Si Pansat nga Luto, nagpadayon sa pagsuroysuroy nga wala manumbaling, pinasaguyod ang tiil ug ang tinan-awan nga katulgon. Nakapahibulong kaniya ang paghiabut sa mga bagong nawong, nga naggikan sa lainglaing dapit, ug nga nagsininyasay, pinaagi sa kidhat kun sa igham. Mao pa kadtoy iyang pagkakita niadtong mga tawhana, siya nga nakaila sa tanang nawong ug sa ilang mga dagway. Mga tawo nga itum ug nawong, mga lagpad ug bukobuko, lihok nga talagsaon ug mao rag niadto pang higayona makasul-ob sa amerikana, ug nga, inay mopataliwala aron sila hikit-an, nagpahipi na hinoon sa ngitngit aron dili sila makita.
— Mga polis nga sekreta kun mga kawatan ba hinoon? nangotana sa iyang kaugalingon si Pansat nga Luto, apan dihadiha mipakibo siya sa iyang abaga ug nagkanayon: unsa may labut ko?
Ang parol sa usa ka sakyanan nga milabay naka-iwag sa usa ka pundok sa upat kun lima niining mga tawhana nga nakigsulti sa usa nga mao rag sundalo.
— Mga polisiya sekreta, tingali mga bag-o ... miyagobyob siya.
Ug dayon nga pangompas nga nagpaila sa iyang pagkawala mabalaka. Apan, unya, iyang hialinggatan nga ang sundalo, human makigsulti sa duha kun tulo ka mga pundok, mipadulong sa usa ka sakyanan ug mao rag nakigsulti sa dakung kadasig sa usa ka tawo nga didto sa sulod. Si Pansat nga Luto milakang ug pila ka lakang, ug sa walay pagpaki-
