197
Mibalik sila sa dalan ug mipadulong paglakat sa Treso. Atbang sa usa ka balay nga tabla, nga maayog panagway, nakita nila ang usa ka katsila nga nagsungkod ug nagpahimulos sa kahayag sa bulan. Si Simoun mipadulong kaniya; ang katsila, sa pagkaalinggat, buot unta motindog, apan miaguroy. — Pag-andam na, giingon siya ni Simoun.
— Kanunay akong andam.
— Sa semanang umaabut.
— Mahimo na kaha?
— Pamatia ang unang luthang...
Ug dayong bulag, sinunod ni Placido, nga nagsugod nag pangotana sa iyang kaugalingon kon wala ba siya magdamgo. Nahibulong ka, nangctana si Simoun, nga nagtan-aw sa usa ka katsila nga batan-on kaayo ug masakiton na? Sa miaging duha ka tuig, supang siya sama kanimo, apan nakabut sa iyang mga kaaway nga ipadala siya sa Balabak, aron pagtrabaho sa usa ka kompaniya sa mga binilanggo, ug karon naa siya makita mo nga nag-antus sa usa ka sakit sa lutahan ug hitakig, nga maoy makahatud kaniya sa lubnganan. Ang alaut naminyo sa usa ka babaye nga matahum uyamut...
Ug tungod kay milabay nga usa ka kotse nga walay sulod, gipahunong kini ni Simoun ug nagpahatud sa iyang balay sa dalan Escolta. Niadtong higayona mibagting sa tanang taknaan sa mga simbahan ang ika napulog tunga ang takna...
Human sa duha ka takna, si Placido mibiya sa balay sa alahero, ug, maugdang ug mapalandungon, misubay sa Escolta, nga wala nay tawo, bisan ang mga Cafe napuno pa sa mga tawo. Usahay moagi ang usa ka kotse nga maghaguros ug makahatag kasaba sa dalang bato.
Si Simoun, sukad sa usa ka lawak sa iyang balay nga nagtambo sa Pasig, milantaw sa Intramuros, nga nakita sa mga bintana nga binuksan, ug ang mga atop nga sin sa iyang mga balay misiga tungod sa kahayag sa bulan, apan ang iyang mga kampanaryo milandong nga mga masolob-on ug maligdong, sa taliwala sa kalinaw sa kagabhion. Si Simoun, mikuha sa iyang antiohos nga lubog, ug ang iyang ulo nga ubanon nahisama sa usa ka marko nga plata nga nagalibut sa iyang panagway nga tabonon, hinayagan sa usa ka kingke, kansang siga hapit na mapalong tungod sa kakulang sa gas. Si Simoun, sama sa
