183
papil, diin may nahisulat nga pila ka pulong. Tan-awa ninyo, apan hangyoon ko kamo nga dili kamo mohingos pag-ayo, kay kon madala ang abog, ang ako intawon nga “ulo” madaut.
Ang limbong, nga gisulti sa dakung kaugdang ug katarong, nakapatoo sa hinayhinay, ug maoy hinungdan nga sa pagagi sa kahon, ang tanan nagpugong sa pagginhawa. Si pari Ca morra, nga sa makadaghan nag-asoy sukad sa pulpito sa tiani sa mga silot ug kasakit sa ispidno, samtang nagkatawa sa iyang kaugalingon nga nagtan-aw sa kahadiok sa namati kaniya, niadtong higayona mitabon sa iyang ilong; si pari Salvi, kadto si pari Salvi nga sa adlaw sa mga minatay, naghimog usa ka pag-awat sa mga kalag sa purgatoryo, nga inubanan sa mga kayo ug mga larawan nga gipasihag sa kingke nga sinug-an sa alkohol, sa altar mayor sa simbahan aron siya tagaag mga misa ug limus sa mga matuhoon, si pari Salvi ang daut ug mahilumon nga pari, wala usab moginhawa ug mitan-aw nga gikulbaan niadtong pudyot sa mga abog.
— Memento homo, quia pulvis es, miyagubyob si pari Irene, nga nagpahiyom.
— P.! misinggit si Ben Zayb,
Nangandam siya aron sa pagsulti niadtong mga su.tiha, ug hiunhan hinoon siya sa kanonigo.
— Wala ako mahibalog unsay akong buhaton, mipadayon si Mr. Leeds, human sirhi pag-ayo ang kahon, akong gihiling pagayo ang kahon ug nakita ko ang duha ka pulong nga wala ko hisabti. Akong gibayibayi ug giyamyam ko sa taas nga tingog, ug igo lamang akong nakalitok sa unang pulong, nakita ko nga ang kahon nagadailos sa akong kamut, sama sa gibira sa usa ka dakung kusog ug nahulog sa salog, diin wala na gayud nako maibut. Ang akong kahibulong nahimong kalisang sa diha nga, sa human ko na ukbi, nakita ko ang ulo sa usa ka tawo kansang mga mata mitutok pag-ayo kanako. Nalisang ako ug wala ako makatultol sa akong pagabuhaton, wala ako mahaglihok ug mikurog ako sama sa usa ka bitayon . . . Unya hiulian ako. Sa akong pagtoo nga kadto maoy usa ka lamat lamang, naninghuha ako sa paglingalingaw ug gibasa ko ang ikaduha ka pulong. Dihadiha ang kahon nasira, nawala ang ulo ug sa iyang dapit nakita ko na usab nga mitungha ang pudyot sa mga abog. Sa wala ko lamang paabuta, akong hiishsihan ang duha ka pulong
