164
hin sa mga bilyete ipadala sa Tsina, ug ang pila ka book nga mahibilin sa Manila ibaligya nga tungtungan nag sikwalo. Ang talahurong ginoo nagtoo nga moabut da ang adlaw nga madaug niya ang dakung ganti ug maglagot siya kon ang tabiyolo toyokon pag-ayo.
Apg panihapon nagkahinapos na! hangtud sa sala mabati gikan sa kan-anan ang mga pakigpulong, mga katawa, mga pagsagbat, talidhay . . . Ang ngalan ni Kiroga kanunay nga gilitok, mahisakot sa mga pulong nga konsul, panagsama, katungod . . .
Si insik Kiroga, nga dili mokaon sa mga sud-an nga oropanhon, moinom lang ug panagsa sa bino uban sa iyang mga dinapit, ug nagsaad lang siya nga unya da siya mokaon uban sa mga dinapit nga wala pa makalingkod sa unang talad.
Si Simoun nahiabut nga Humana manihapon ug didto sa sala nakigsulti sa pila ka mga magpapatigayon nga nagmulo sa kahimtang sa patigayon; ang tanan walay pulos ug ang patigayon mahinay kaayo, ang pagpailis sa salapi nga ipadala sa Oropa daku kaayog tintong; nangayo silag pakitambag sa alahero ug sugyotan sila sa pila ka hunahuna, pinaabut nga ipadungog niini sa dalunggan sa Kapitan Heneral ... Sa tanang sugyot nga iyang ihatag, si Simoun mopahiyum lamang sa usa ka pahiyum nga mayubiton. Da, tanan binuang, hangtud nga usa kanila nga naglagut na nangotana sa iyang hunahuna.
— Ang akong hunahuna? — nangotana; tun-i ninyo ngano nga ang ubang mga nasud miuswag ug sunda ninyo ang ilang paagi.
— Ug ngano man nga sila mouswag, Ginoo Simoun?
— Si Simoun mipakibo lamang sa iyang abaga ug wala motubag.
— Ang mga gibuhat sa dunggoanan nga nakasawot kaayo sa patigayon ug ang dunggoanan nga wala pa gayud mahuman! nangagho si Don Timoteo Pelaez, usa ka balay sa lawalawa nga, matud pa sa akong anak, gub-on na man ug ayohon na man... ang mga bugis . . .
— Ug ikaw nagmulo pa niana, misagbat ang usa. Karon nga nagsugo na ang Kapitan Heneral sa pagguba sa mga balay nga nipa ug kawayan! Ug ikaw nga adunay daghang baligya nga sin . . .
