122
122
— Kasarangan, — mitubag si Placido, nga naglagot ug diyu. Ug ikaw?
— Ako hinoon, hawod na lamang. Hunahunaon mo nga gidapit ako sa pari sa Tiani sa paglulinghayaw sa iyang lungsod . . . didto ako undo. Nakaila ka kang pari Camorra? Usa ka pari siya nga dili ma-ut, ug mahigugmaon kaayo sa kalingawan sama kang pari Pako ... ug tungod kay daghan man ang mga dalagang maanyag kanunay kaming nagharana, siya sa iyang sista ug mga awit, ako sa akong biyolin ... Sa pagkatinuod, Undo, nalingaw kami pag-ayo; walay balay nga wala namo masaka.
Ug unya mihunghung kang Placido ug pila ka pulong ug unya mitalidhay. Ug tungod kay si Placido mao ra mag nahikurat mipadayon:
— Makapanumpa ako . . . Dili na gayud kana matabang kay sa usa ka pulong lamang palagputon ang amahan, ang bana ug ang igsoon. Apan nakakita kamig usa ka dalagang buang, trato kono ni Basilio, nahibalo ka? Tan-awa kabuang gayud nianang Basilio, mao na hinooy gitrato ang usa ka dalaga nga dili gani maantigo bisan sa usa ka pulong kinatsila, walay salapi ug miagi sa pagka binatonan. Nagmoktok lamang apan maanyag. Usa ka gabii niana gihapak ni pari Camorra sa ulisi ang duha ka batan-on nga nagharana kaniya ug ambut ngano nga wala niya patya. Apan bisan pa niining tanan, nagmoktok lamang gihapon. Apan sa walay duhaduha, mahulog gayud kanang babayhana sa kamot ni pari Camorra, sama sa uban.
Si Juanito Pelaez mikatawag tinuod, ingon sa nalipay sa gisugilon niya. Si Placido igo lamang nga mitan-aw nga nagkusmod.
— Tabi, unsa diay gitudlo gahapon sa magtutoon? — nangotana nga nagpalain sa gisultihan.
— Gahapon walay tungha.
— Ug kaniadto sa usang adlaw?
— Wala usab kay Huwebes
— Tuod no, pagkabuang ko gayud. Nahibalo ka Placido, nga ako karon nagkabuang kaayo? Ug sa Miyerkolis?
— Sa Miyerkolis? Hulat usa . . . sa Miyerkolis nag-ulanulan . . .
— Maayo, apan sa Martis, Undo?
