- 105
Ug mipadayon pagsulti nga nanglipaghong ug tinuod:
— Nagatuo ba kaha kaning hungog nga ang akong salapi wala nako hagoi? Labut pa, ang akong mga sakop nga “indio” nagsugod na karon paghangyo sa bili sa mga balayran sa simbahan!
Nagdaghong ug wala magtagad sa mga pamalibad ni P. Ire ne nga gipahayag niini nunot ang paghikap-hikap sa tum^y sa ilong aron pagsalipod sa iyang pahiyum nga mabugal-bugalon, si Pari Camorra misulod sa lawak sa bilyar.
— P. Fernandez, mahigugma ba ikaw nga molingkod diri? — nangutana si P. Sibyla.
— Mangil-ad ako kaayong modula sa “tresillo” — mitubag ang prayle nga gilas-ot ang iyang nawong.
— Sa ingon niana paanhion ta diay si Simoun — miingon ang Heneral: — eh, Simoun, eh, Mister! Buut ikaw makigdula?
— Unsa may gimbut-an nga ipakanaug mahatungod sa mga “armas de salon”? — nangutana ang kahhim nga mipahimuios sa kahilum.
Miguho si Simoun.
— Buut ba ikaw mobanus sa gilingkoran ni P. Camorra, ginoo Simbad? — nangutana si P. Irene; mga brilyante maoy imong itaon inay sa mga “fichas.”
— Walay sapayan — mitubag si Simoun nga miduol ug namapha sa itaas nga nakabuling sa iyang mga kamot; ug kamo usab, unsa may inyong itaon?
— Unsay itaon namo? — mitubag si P. Sibyla. — Ang he neral motaon kutob sa iyang higugmaon, apan kami, nga “religioso,” mga pari . . .
— Psh! mipakgang si Simoun nga mabiaybiayon; — ikaw ug si P. Irene motaon ug mga buhat sa kaluoy, mga pag-ampo, mga “virtudes,” ha?
— Nasayud ikaw nga ang mga “virtudes” nga kahuptan sa usa ka tawo — misulti si P. Sibyla sa dakung kaligdong — dili sama sa mga brilyante nga mag-ilis-ilis ug tag-iya, mahimo nga ibaligya ug mahimo upod nga “iusab pagbaligya sa nakapalit kaniya” . . . . ; ang mga “virtudes” anaa sa tawo, maoy mga “accidentes” nga tiunay sa tawo nga magahupot kanila . . .
