- 99
Itugon ko kanimo nga ayaw na pagpadayon ngadto sa unahan, kay kon ikaw hidakpan namo, sanglit wala ka na man unya
sa akong balay, pangayoan ka namo ug lukat nga daku.
- TELESFORO JUAN DE DIOS.”
— Hingkaplagan ko na gayud ang tawo nga akong gipangita! — nagkanayon si Simoun nga miginhawa; — may diyutay siyang pagkapig-ot nga manuman sa iyang katungdanan . . . apan maayo hinoon, kay sa ingon niana maantigo unya siyang motuman sa iyang mga saad!
Ug misugo sa iyang binatonan nga moadto sa Los Banos anha molatas sa lanaw, dad-on niya ang dakung “maleta” ug hulaton siya niya didto, kay mopadayon man siya sa iyang panaw dala ang usang “maleta” nga gisudlan sa mga batong mahal nga nabantug ug ari siya moagi sa mamala.
Sa pag-abut sa upat ka sibil natibway na gayud ang pagkamalipayon sa iyang bu6t. Ang mga sibil nangadto didto aron pagdakop kang Kabesang Tales ug sanglit, kini wala man nila hiabuti, gidala nila si Tandang Selo.
Niadtong gabhiona tutolo ka tawo ang gibuno. Ang prayleng magyuyuta ug ang bag-ong nag-abang sa kayutaan ni Ka besang Tales hikit-an nga patay na, nabasak ang ulo ug napuno sa mayukmok ang ba-ba, didto sa utlanan sa maong kayutaan; didto sa lungsod hisusihan sa pagkabuntag nga ang asawa niad tong tawhana gibuno usab, napuno gihapon sa mayukmok ang ba-ba ug gipunggotan sa liog, ug sa iyang tupad may usa ka papel diin mabasa ang ngalan nga ‘Tales” sinulat sa dugo ug daw gibadlis sa usa ka tudlo . . .
Ayaw kamo kalisang. mga malinawong molupyo sa Kalamba! Walay usa kaninyo nga gihinganlan ug Tales, dili kamo mao ang nakabuno! Kini gihinganlan ug Luis Habana, Matias Be larmino, Nicasio Isagani, Cayetano de Jesus, Mateo Elejerde Leandro Lopez, Silvestre Ubaldo, Manuel Hidalgo, Paciano Mercado, ang inyong ngalan mao ang tibuok nga lungsod sa Kalamba! . . . Gihinloan ninyo ang inyong mga kaumahan, gihalad ninyo diha kanila ang kahago sa tibuok ninyong kinabuhi, ang inyong mga dinaginotan, ang inyong mga pagtukaw, mga Pagpugdng sa mga kailibgan, ug kanang maong mga kaumahan gisakmit kaninyo, gipapahawa kamo sa inyong mga panimalay
