100
ug gidid-an nila ang uban sa pagsagop kaninyo sa ilang balay!
Wala sila matagbaw sa paglapas 'sa katarungan, giyatakan pa
gayud ang balaanong mga pamatasan nga inyong nasunod sa
inyong mga ginikanan . . . Kamo nakaalagad sa Espanya ug
sa hari, ug diha nga sa ilang ngalan nangayo kamo ug katarungan, gihinginlan kamo ug wala lamang ngani husaya ang inyong buroka sa atubangan sa mga hukmanan, gilangkat kamo sa
mga bukton sa inyong mga asawa, sa mga halok sa inyong mga
anak . . . Bisan kinsa kaninyo labing daku ug giantus kay kang
Kabesang Tales, apan bisan pa, wala, walay usa ka kaninyo nga
mibakyaw sa iyang kamot aron pagpanimalus sa kadaut nga inyong nadawat . . . Wala kamo kaloy-i, wala kamo pakatawoha
ug gigukod kamo hangtud sa unahan pa gayud sa lubnganan,
sama kang Manano Herbosa . . . Panghilak kun pangatawa
kamo diha nianang mga pulo nga mamingaw diin kamo nagasuroy-suroy nga walay mga buhat, wala masayud sa inyong kaugmaon! Ang Espanya, ang maluluton nga Espanya nagatukaw kaninyo ug sa madugay kun sa madali makakab-ut da kamo sa katarungan!
