- 89
Maoy usa ka sudlanan sa alahas nga binuhat sa asiro nga pinasinaw ug tinauran ug mga dayandayan nga “bronce” ug adunay mga “cerradura” nga malig-on ug malisud nga ukbon.
— Aduna ako ing mga kwintas ni Cleopatra,2 nga matuod gayud ug dili minaomac, nga hingkaplagan sa mga “piramide,” mga singsing sa mga “senador” ug mga romanhon nga hamili nga hingkaplagan sa mga balayng guba na sa Cartago . . .
— Tingali mao kanang mga pahiyasa ang gipadala ni Anibal human sa away sa Cannes! — midason si Kapitan Basilio nga nagaligdong kaayo ug nagakurog sa kalipay.
Si Kapitan Basilio, bisan nakabasa ug daghang mga basahon mahatungud sa mga karaang tawo, apan, tungud kay wala may “museo” sa Pilipinas, wala gayud siya makakita bisan usa na lamang ka buok nga butang niadtong mga panahona.
— Labut pa, aduna usab ako ing mga ariyos nga mahal uyamut sa mga hamiling babaye nga romanhon nga hingkaplagan sa “quinta” ni Annlo Mucio Papilino didto sa Pompeya . . .
Si Kapitan Basilio nag-utas ug yango-yango sa ulo nagpasabut nga nasayud siya kaayo niadtong tanan nga giasoy ni Simoun ug nga naghigwaos siya sa pagtan-aw niadtong mga hiyas nga bililhon. Ang mga babaye miingon nga buut usab sila ug mga pahiyas sa Roma, sama, pananght, sa mga rosariyohan nga pinalanginan sa Papa, mga “reliquias” nga makapasaylo sa mga sala bisan dili mokompisal, ubp.
Sa pag-ukab na sa maleta ug sa pagkuha sa gapas nga gitabon sa mga alahas, nakita ang usa ka sudlanan nga pun6 sa mga singsing, mga “relicario,” mga “guardapelo,” mga krus, mga alpiler, ubp. Ang mga brilyante nga gilanggikit sa mga batong adunay bulok nga nagkalainlain nagpangidlap ug nanggimok taliwala sa mga bulak nga binuhat sa bulawan nga daghag mga bulok, adunay mga budlis nga “esmalte,” mga “dibujo” nga maanindot ug kahibulongan nga mga dahon ug mga bulak-bulak.
Giukab ni Simoun ang “bandeja” nga gisanggaan niadtong
mga alahas ug nakita ang laing sudlanan nga adunay mga pahiyas nga matahum uyamut nga takus makatagbaw sa kahinam sa pito ka dalaga sa pito sa bisperas sa mga sayaw nga ipasidungog kanila. Adunay mga panagway ng maanindot uyamut, mga batong mahal ug mga mutya nga gilanggikit miawat sa panagway sa usa
______________
2 Rayna sa Ehipto nga nabantug tungud sa iyang kaanyag. — P. sa Taghubad.
