86
tud sa hangtud ug nga ang yawa motungha kaniya na magasul-ob sa panagway sa tinon-an. Kadtong diyutayng basahon nga gihatag kaniya sa kura may katarungan gayud, bisan tuod malaay kaayo siyang basahon! Ang mga batan-on nga mangadto sa Manila aron pagtuon, mangadaut ug modahig pa gayud sa uban aron usab mangadaut kuyog kanila. Ug piliton niya si Juli sa pagbasa ug pagbalik-balik pagbasa sa diyutayng basahon nga gibunyagan ug Tandang Basio Macunat ug pagatambagan niya ang dalaga nga makigkita kanunay sa kura didto sa kombento, sama
sa gibuhat sa babaye sa basahon nga gidalayeg pag-ayo sa prayle nga tagsulat niadtong basahona.
Samtang kini nanghitabo, ang mga prayle gipanalanginan sa palad: nadaug nila sa lahus ang buroka ug gipahimuslan nila ang pagkabihag ni Kabesang Tales aron paghatag sa iyang mga yuta sa mga kamot sa tawo nga naghangyo nga maoy mag-uma niad tong mga yutaa, sa walay diyutayng pagmahal sa iyang kaugalingong dungog, sa walay diyutay nga kaulaw. Sa pagpauli sa karaang tag-iya niadtong kayutaan ug sa pagkasayud niya sa nahitabo; sa pagkakita niya nga ang iyang mga uma didto na sa kamot sa laing tawo, kadtong mga uma nga giunongan sa kinabuhi sa iyang asawa ng anak nga babaye; sa pagtan-aw niya nga naamang ang iyang amahan, nga ang iyang anak nga dalaga nahimo nang binatonan, labut pa sa usa ka sugo sa hukmanan, nga gitaho kaniya sa “teniente” sa balangay, aron iyang biyaan ang iyang balay sulod sa tulo ka adlaw, si Kabesang Tales wala mosulti bisan usa ka pulong, mitupad paglingkod sa iyang ama han ug lugos lamang misulti sa tibuok nga adlaw.
