koy puso to nia, tan ipagámor to lay abayag lan sankabalgan a pirawat ton kekerewen a sakey a baleg tan mabawag a milagro ya pakabitlaay ngaran to pian magnayon so pannodnunotan ed sikato, insan ontawen a singa si Kapitana Ines a sasalitaen day akamayamay a kúra, kanian tinepet to no pigay bilí to. Si Simoun inggeter tod talon liboy pisos. Angariáma kalamor si bii - "Susmariosep!"
Inalsá nen Simoun imay komaduan bandija tan alukasan so komatlon pasen, a napnoy akamayamay iran reloj, pitaka, pananginay gurabis tan relikario ran binobutakay brilyanti tan pinaparakep na pinopino ran esmalte tan mababig ya ankekelag iran talintao.
Say lugan ton may komapat a bandija ankablí ran bato ya suelto tan kanengneng da ran may wadman nangel dimad salas so singa bilang nanbabansag ya esaes ed inkaayapan da; si Sinang nilonlontak to lamet so dilá to, tan kinarut lamet nen ina to anta sikaton díli et agto met apokpokan so impakapangibulos toy Sus Maria ed inkaayapan to.
Anggapo nid saray akaarap a wadman so akanengneng na onmanlan kayamanan. Diad saman a kajon ya inapisay magket ya inanagan a peluz ya aketegketeg, wadman iran tinmua so kayamanan iran makapakelaw ya abasbasa ed libro ya Arabian Nights, amin iray kugip a sinmulming ed kaisipan day totoo ed Letakan. Brilyanti ran singara kakabaleg na garbau sos a mandarlang iran kidiam day makaayayap a kanengnengan day singa bilang kuanda lan natonaw odino ondalang ed sinag na agew tan walan inmaninag ed sikaray amin iray kolor na bunlalakaw; esmeralda ran nanlapcd Perú² ya nandu- rumaay inkatabas, rubí ran inaala ed India, ya ambalbalanga ran aliling day dalá, záfiros ed Ceylon ya inanagan tan ampoti, turquesas ed Persia, perlas iran nanlapod saray bansá ed Letakan a walaray kolor na nácar, tan walara met so rosarosay samsamet, gris tan andeket. Saray akanengneng lay koitis ya impatekiab na lábi ya diad iterak tod tagey ed magket a inanágan na tawen et manmaliw a singa isisibuag a libolibon silew a nambabangil a kolor ed ontan lan dalang a napaburarog da ray bitewen, nayarian dan isipen so lugan ton man a kajon.
__________________
1 Libro ya kawalaay makapakelaw iran tungtong a nipaakar ed bilay day Brári, inkantada, tan ag nasabsabaan iran kayamanan.
2 Sakey a mayaman a bansa ed América del Sur.
