Saman a masegsegang ya agawa binmawag ya anggad báley. Sinmibeg iray arum ya akangel, sinintak da labat so abalá ray arum. Anggapoy akankasalanan tan anggapo met so malabay a mangako ed konsiensia to.
Si teniente na Guardia Civil ag balot abaliw so lupa to; diad pakatalus to anggapoy kinolangan to: akaawat na ganggan a kelkelen ton amin iray armas tan anumpal na nabebetangan to; ousilan toran cereley tutulisan ya anggaay nayarian to, tan nen saraya et asinkat day Anakbanwan Tales, anogiop a tamtampol na sondalo toran iba ton angusil tan insempet to rad báley a binabalor so limara ono anemirán taga uma ya isisipen ton nengneng day mauges a totoo, tan no ag pinmaway si Anakbanwan Tales, andi arum a makasengeg no agta agda nalmod dalem na bolsa daran man a totoo ni diad sukib na baog da ta pinaspasiay impanyugás da man ed sikara.
Samay párin oldog a manaasikasoy daldálin day papári, sinintak to met so abalá to. Diad panagnunot to anggapo met so akibibiangan to, saray tutulisan so akasengeg, ta no sikato anumpal labat na nabebetangan to. Tua ta no ag nandalem, anganko ag dara kinelkel so armas tan si masegsegang ya Anakbanwa ag lági apaktak ed lima ray tutulisan, balet ta nakaukolan met a nunoten toy kaabigan to, ta say kane- nengneng nen Tales ed sikato nimet et alabas nen manaanap na pasen ed laman ton pangipuntaan toy bala. Anggapoy manbalaw ed mapasakbay tan panangiagel ed inkasikan díli. No wala ray tulisan, agto kasalanan; agto ra obligasion ya erelen, say Guardia Civil so akankanepegan a manggawan tan. No ko-
____________________
1 Diad saray totoon abitla ed sayan tekap anggapoy mangako ya walay anggan melamelag a kasalanan to edino akibibiangan to ed inkaplag nen Anakanwan Tales ed lima ray tulisan tan inkaemel nen Tandang Selo. Kanian tinawag nen Rizal yan tekap na Pilatos ta inaliling to rayan totoo ed Kinen Poncio Pilatos, gobernador ed Judea, ya kasakbayay impanutol tod Katawan a
mansakbat na kruz tan ipasak, et nañoras niray lima to tan inkuanto: "Anggapoy pibibiangan ko ed dalá tonian too."
