Mapagpagay Basilion nasukayan da, kanian biglán pinaabig toy omparungtal, inmalagey dimad niyurongan to tan diad bosis a singa anggapo labat so walawalá:
"Nayarian taka yon ibaan sinyor....?" kuanton tinepet a bansag na impaway tod man ed sinaniban to.
Biglán nanpetek si Simoun tan linmoksó ya singa bilang sakey a tigren apesgaan a mangakan na pinatey to; kinaot toy bolsay amerikana to tan ninengueng to may estudianti, ya pinmesiaw so lupa ton ambilbilunget.
"Labintaloy taon la natan a tinolungan yoak na agko nalinglingoanan, sinyor," kuanen Basilion intuloy ya ag balot abaliw so lupa to; "ed saya lan lamang a pasen, ya inkutkot yoy bangkay di inak, tan ompasenak a malikeliket no napansirbian takayo."
Kinaot nen Simoun so paltog cd bolsa to ya agto inalisay matay Basilio, tan nangel so tanol na armas ya inkasá. "Siopay pangigagatonan yod siak? Kuanton akasuner na duaran kondang.
"Sakey a toon sagrado ed siak," kuay cbat nen Basilio ya pinmágay daiset ta inisip ton asabí lay gulis to; "sakey a toon inisip na karaklan ya inatey la likor ak labat, sakey saray segsegang to et lawas kon inabagey."
Araldalem a keneng so tinmonbok ed sarayan balikas nen Basilio ya diad pakalikná ton nia et singa la mangipapaniring na bilay ya andi anggaan. Si Simoun balet kayari abaybáyag a singa impanmolimoli kalakal to, sininggeran to, intapew toy lima tod abalato tan inkuan tod bosis a giwgiwan;
"Basilio, asukayan yoy sakey a yaamot kon nayarin kaderalan ko, tan natan karkayari yoak ya apesgaan lamet ed sakey a gagaween ko ya inyan to ak ed lima yon aminpinsan, tan say kipalapag to deralen ton amin so planok. No nunoten koy agko kaano tan kaabigay gagalak a gaween, manepeg komon a saraan ko ray bibil yon anggad-angga, ta anto tay kabaliksay bilay na sakey a too no isimbang ed tatakpanen kon gaween? Anggapoy makasbel ed siak ed pamatey kod sikayo; anggapoy makapikábat ed inakar ko dia, walay armas ko, sikayo anggapo; no narumog so bangkay yo, say ibaga ray totoo ed satan, so pinatey da ka yoy tulisan, odino nayari nin isipen dan inatey kayod inkataktakut yod aniani; ono bengat ladtan
