Tan si masiken mannangnangis a kuanton ibitay to lay laman to odino agla mangan ta pian ompatey ed eras.
"No taynan moak," kuantod Julí, "ompawilak lad takel tan agak la onggatigatin cd báley."
Kukuyongen a titimpeyen nen Juli ya kuanton nakaukolan a makapawil si amá to insan manalo rad samay kulkol kanian nadundon da lan lamang a magano.
Sankaermenan so impamalabas day lábi; anggapoy nandem ta agda naakmon so kanen, insan si masiken impaawet toy ag dinmokol tan pinalabas toy labin akayurong cd sakey a sukong ya andi esel, tan ag lawari ginmalaw. Si Julí labay to komoy onugip balet ta abaybayag ya agto naalay ugip to. Maligeligen lay nunot ton nipaakar ed kinen amá to, kanian say nonunoten. to say inkasikaton díli tan mannangnangis kalamor, balet ta popukpokan ton ag ibesngaw ta piano ag narengel nen masiken. Diad kaimbuasan aripen lay kipapásen to, anta saman nimet ya agew so isasábi nen Basilion manlapod Ibale ya nambabangi ed satay awit ton bengabengat lan ipaabet ed sikato.....Manlapo lad natan, nakaukolan ya ekalen to lad pagew to man ya aro; si Basilio maganggano lan nasumpal a médiko, tan ag manepeg a mangasaway sakey a biin duká..... Tan diad ilálam to singa to la sankanengneng ya onaarap ed simbaan a kaulop toy sankalimgasan tan sankayamanan a marikit ed báley a marakerakep so kawes da, malikeliket tan manimimis ira, tan sikato balet manomtumbok ed samay panaayaman to, ya awit to ray nobinas, gagalen tan lukdaan. Tan diad saya ontan lay kabobuknol na beklew to tan kabibitkel na puso to ya mikakasid Virgen ya aleen to la komon kasakbayan yan nasabí.
"Balet," kuantod nodnunot to, "nakabatan to met a ginabay ko nin insalnay laman kon díli, nen say isalnak so inter tod siak a relikario."
Sayan kanunotan makaliligliwad sikatoy daiset tan pinmelnak lamet ed puso toy ilalo. Siopay makaamta ey? Nayari met a walay nagawan milagro; singa bilang onlesay duan lasus tan limamploy pisos ed silong na talintao ton may Virgen; akin a. dakdakel lay abasbasa ton miolibay iran agawgawan milagro. Nayari met ya ag ombutay so agew, ag onsabi kabuasan, insan kaleganan to nia manalo rad samay kulkol. Na-
