a nasnaspot, tan sipaparaan itayon mitulot tan mantepel na
anto man a kairapan ed pangiagel tiray pankatonungan tayo,
say dílin España so ononaonan mangiter ed sikatayoy kawayangan, ta no say ugaw et yáanak la, pangaskasiyay inan labay
ton ipúger ya ag ibolso! Man balet, leleg na bansan pilipi.
no ya makulang na biskeg a mangibeliaw, ya tanguay muling
to tan andi sanib na pagew, ed pankatonungan tod bilay a mareen, mawayang tan maliket ed simpok na katoowan, ya sekderan toy pangibagat toy sagsagpot tan irirap to, pati dilin dalá
to no nakaukolan; leleg a walaray nanenengneng a kabaleyan tiran diad kabukoran dad loob na abong da et ibabaing
day inkasikaran dili ya dengdenglen day panaglem na konsiensia ran ontotongangá tan onsusungpa, ya diad paway balet et
imck-imck ira ya mibabáli met iran mikokuan ed saray mama.
paunong a manlurey ed saray napapaunong; leleg tiran nanengneng ya anganggad nonunoten day kaabigan dan bukor
tan mandaydayew a tekep na pinaspasout ya imis, ed sankarumsisan iran gáwa ya nanengneng ed mata ray pipapayábo!
day daiset a betang dad nakokupkop a kayamanan, anenen
iran itday kawayangan ey? Walarad silong na España may
andi, anggapoy kaomanan da, ngalngalin nayari pa lágin man
pasuner nira ingen. Antoy pankaukolay kawayangan no saray
aripen natan et sikaray onsublay a manuley a maruksa nabuas
ey? Tan ag napanduaruan a sabien da tan, ta say toon matulok ed maruksan uley talagan mapatpatnag a sikatoy labay to,
tan sikatoy susto ed panagnunot to. Sinyor Simoun, leleg na
báley tin nianakan a kulang ni paraan, no mitulot ta lapo
labat ed niloko odino itotuldon, ya agto natatalusan a petepeteg
no antoy gaween to, naapan amin so anggan antoy abig na
inkidátak iran kanunotan, tan mas maong met laran naapa, ta
anenen a yawat ed laki so kapangikasal ton bii no agto met
lan lamang ya inaron sigpot tan ag sipaparaan a mipateyan ed
pankawalo tod sikato?"
Si pári Florentino alikas ton inala nen agmakayarin binenbenay lima to ya pinirit; ag inmesel ya aalagden ton onsalita, et alenleneg ya alikas toy amidua nin impamirit toy lima to. nangel toy aminsan a ngeswá, insan abayag a keneng ed silir. Bukor ton may dayat ya kinmakabaleg iray daluyon tod insibok na dagem na lábi ya aliling day aliing ed inkayepyep dad petang na agew, so manungol a singa to idadangoan so maan-
