pan ed bilay da, tan ginawa ran Mangokum ed kapapaunong
da; amtak ta say Taklay To ag balot kinmulang no diad inkayarekyarek lay kaptekan tan impangikanan andi agamoran na
amin lan nayarian, et demetey napapaunong so kampilan tan
mibakal cd pangiagel toy abong to, asawa to, ilalak tora, tan
saray pankatonungan ton agira nayarin ekalen ed sikato, ya
unong na inkuay omaanlong ya alemán, et manesiab iran ag nacrep tan ag onkukuyep dimad katageyan ya kaolibay da ray maandon bitewen! Andi, say Dios a Sikatoy dílin kaptekan ag
nayarin paulian ton onlereg so kawayangan ta diad kaandi to
nia, napaandi met se kaptekan!"
"Akin sirin et agtoak tinolungan ey?" kuay tepet nen agmakayari ed bosis ton ampaipait ed tetel.
"Onaa ta say pinili yon inkana ed pakarapat yoy pilalek yo et agto nayarin abubonan!" kuay ebat nen pári ed mabinbintan bosis to; "say kagalangan ed pangilában ed sakey a bansá ag nayarin nagamoray sakey a toon akaiba ed inkaderal ton tan lan lamang a bansá! Say inisip yo so say dinutak tan dineral na kasalanan tan kaugsan et nayarin linisan tan dundoney sa naney met a kasalanan tan kaugsan! Balbaleg yan lingó! Say pankabusol anganggad napalesa to ray marumsis a munanakap. say kasalanan, saray makasalanan; bukor na panangaroy makapapaway na gawa ran marakep, bukor na maong ya ugali so makapangilaban! Andi; no nasabí agew ya say Dálin tin nianakan et manbilay ed kawayangan, ag manlapod mauges iran gawa tan kasalanan, ag manlapod panderal ed saray ának to. ed panloko ono pamulag ed saray arum tan panuksok na kuarta ed saray arum, andí; say karondon kabaliksan toy kiwalay abig na walna, say abig na walna tarok toy panangibagat, tan say panangibagat iba toy panangaro!"
"Manisia ak! Akoen koy paliwawa yo," kuanen agmakayari kalabas na aganon agto inesel; "alingoak, balet ta, lapod inkalingok, satan a Dios igimor toy kawayangan ed sakey a bansá, tan ilaban to ray akamayamay a totoon lalo ni ran makasalanan nen siak? Antoy kabalik say inkalingok no yampar ya ipareng ed gagaween dan kasalanan na manouley ey? Akin et satan a Dios et ambelat ni iter ton simbang ed kaugsan ko nen say pantawtawag day ontan lan karakel na andi kasalanan ey? Akin et agtoak dinusan pinasákitan a bukor, insan To balet impanaloy bansá ey? Akin et paulian to ran manirap
