sinambaan toy ombalés. Tinmawtaw ya awit toy kayamanay
boleg ton inamot a inkutkot ed sakey a takel, linmad arawi
ran dálin, tan nankomersio. Akibibiang ed bakal ed Cuba,
tinmulong ed biek tan biek a partido, ya akalmoan toy dakel
a pilak. Diman to akabat si General a diad saraman a panaon
komandante ni labat, tan inala toy maong a linawa to ya
pinapautang tod gapó, tan naamigo to nen onor nisesengeg ed
agawgawa to ran kasalanan ya kabat nen alajero. Diad pakayari pilak agamoran toy inkiakar to diad Pilipinas a Kapitan
General, tan nen kasabi ra dia inkaná ton impaarap ed labay
ton pamaakaran, intoldon ton sinogsugan a manggaway nambabangil a sungpad katonungan a sinambot toy alablabas a liker
nen General ed pilak.
Abayag so impankonpisar to tan makapakesaw, balet ta Jeleg ton nansalita anggapo lan balot so apatnagan ed kinen pári ya inkisegawan to bilang tan mataltalag ton sinalabat si agmakayari. Lábi la nen nanpetek si pári Florentino ya pinopunasan toy linget ed lupa to tan nanmorekdek. Ambilbilunget dimad silir ya bukor na sinag na bulan ya onloloob ed dorongawan so mangiiter na samsamet a liwawan pakapapaaninagay borarog iran nanengneng.
Diad onman lan keneng nangel so bosis nen pári, ya maerermen tan matantan balet tą makaligliwa:
"Say Dios pirdonaen To kayo, sinyor.....Simoun," kuanto, "kabat ton say too maililingó, anengneng toy impanirap yo tan diad impangiabúloy ton naawat yoy dusá ray kasalanan yo, ya saray dílin sinosugsugan yoy nanlapoay ipapátey yo, napatnagay maandon panangasi To! Nilabay Ton sakeysakey iran naapay impaparaan yon pati saray ninunot a maong a nanpelengan yon inapipiger iran indatak, ya ononaona, diad impatey nen María Clara, ontumbok nisengeg ed inkulang na pasakbay, tan diad onor sakey ya agnatalusan ya inkagawa... Onorey linawa To tan pisalámatan!"
"Unong ed sikayo," kuay ebat nen Simoun ya makapka. poy, "linawa To sirin ya sarayan kapoloan et....."
"Magnayon nirad kipapasen a paningelan da?" kuanen párin insumpal nen anengneng ton tinmonday kaarap to. "Agko amta, sinyor; agko nabasay walad kaisipay Agnatebek! Am- tak ya agtora pinaulian so báley iran inapay dad silong na panangaklolo toy amin ya inkasikara ed bekta ran sankamaira-
