saan a napnoy nambabangil iran botilya, gepás, tan panagberber
na sugat. Sakey a talimokoran a panagdasalan ed salí sakey a
Criston impasak, tan liblibro ran atiptipon ed sakey ya estante, mangiter iray inap a silir ya nen párin impalabí tod
sankaili to, unong na ugali ray pilipino ya ipalabid sankaili sankaabigan a kanen, sankaabigan a silir tan sankaabigan
a dokolan ed abong. Diad pakanengneng ed saray dorongawan
ya akasiwangwang ta piano anggapoy makasanisanib ed itubong
na makapabiskeg a dagem na dayat, tan say makatambayon
anyeweng na maandon taglecy to, anggapoy mangibaga diad
Pilipinas a walad may agmakayari, ta naugaliyan lantin ikapot
ya ami dorongawan, tan puletay pati ankckelag ya abot, betabetag na dingding odino agda nanaalinepan, no walay napanateng ono ansakit so uló toy anggan samsamet.
Tampol a nilimgis nen pári Florentinoy katre tan mapalaloy inkakebiew to ed impakanengneng tod lupa nen agmakayarin nagbá ya anggapo la may itsura ton mareereen tan
singa ag mangitaltalek. Asilot so kirep ton singa walay liliknaen ton maamot, napatnagan ed kanenengneng toy pága, tan
say imis to nantarok na paniirap tan ermen.
"Walay ansakit yo, sinyor Simoun?" kuay tepet nen párin maagaagan sinmingger.
"Daiset, balet ta mangangganó lay panirap ko!" inebat ton impeyeng so uló to.
Si pári Florentino nandakop ya atalagnaw ta singa atalusan toy makakebiew a labay ton ibagá.
"Dios ko, antoy ginawa yo? Antoy ininom yo?" kuanton bansag na pangagawat tod saramay botbotilya.
"Labat la ta anggapo lay kana to!" Anggapo lan balot so nagawaan!" kuay ebat ton nantarok na ampaipait ya imis; "Anto bilang so labayon gaween ko ey? Kasakbayay itugtog na a las ocho.....Mabilay may inatey..... Inatey, on, balet ta mabilay, balot!"
"Dios ko! Dios ko! Antoy ginawa yo?"
"Mandeen kayo!" kuanen agmakayarin binaat na kuliseng to; "say ayári, ayári la! Agko labay so napaktak a mabilay ed limay anggan siopa.....ta nayarin napapaway dad siak so yaamot ko. Agkayo labat mapaga, agkayo nalalágaan, anggapo lay nagawaan yo..... Dengel yoak! Maganó lan onselek so agew, makulang lay oras.....kapilitan kon ibesngaw ed si-
