mapobrian ya abong na sakey a dukán párin indio, ed utel na
sakey a takel a walad matalag a nababakatan a gilig na dayat.
Pasirayew na ganaganay sankapasirayewan tan amiy pasirayew!
Alay katuaan da ra nian balikás! Tan diad loob na maganggano la ran oras, saman a laki crelen dan ipangaw, ya aliling na
lakánaten dan aleen ed kawalaan ton dokolan, ya andi pananeleng dad pansasakit to, andi mogmon panangasi rad saray sugat to, mabilay may inatey, kakaukolan day kakabusol to! Panon kasi pakapangiagel ed sikato? Iner bilang so pakalmoay
balikas iran makatenyeg nen obispo ed Constantinopla ey? Anto bilang so sekder tan pakayari ray andi kakanaan iran salita to ey, a salita ra kalamor na sakey a párin indio ya say
inkapaabebay galang tod linmabas iran agew et saman lan
lamang a Simoun nen peles na panaon to ran mabonigas et
singa to panliliketan a lolodlouren?
Si pári Florentino inlingoan to lay ag impangasikaso nen alajerod sikato nen duay bulan la angankoy linmabas natan et, sinmingger ya inmapay ed sikaton mikakasin patutulongay Isagani nen saya et nipangaw nisesengeg ed kakulangay pasakbay to ed mapalalon layap na linawa to; inlingoan to met lay impibibiang nen Simoun ya impantrabajo ton maong ya impamaganoy impankasal nen Paulita, impankasal yan akasengeg a si Isagani et ontan lay sinmabid sikaton busol ed kapara ton too ya mapalalo iay kapapagaan nen pangamaen to. Si pári Florentino inlingoan to lan amin, a bukor labat na nanonunotan toy itsura nen agmakayari, saray nabebetangan ton susumpalen ed kipapasen ton akanabong, tan nakekewkew so utek to kalamor. Manepeg kasin yamot to ta pian napaer toy kurang na justicia? Anggapo balet so walad dilin akanlaman, manimimis ni ingen..
Sikara yay manaarid nunot nen napnoy donung a masiken nen sinmingger so sakey a igaganggan ya angibagan labay nen agmakayarin pisalitaan. Niloob tod biek a silir a kawalaan to, pasen a malinis tan mapayapayá ya datal toy malaplapar iran tablan masilesileng tan kagawaan to ray yanoyano, ya saray yurongan ankakabaleg iran silyon ya itsura ray kagawaan a daan ya anggapoy barnis da ni imbabangbang iran parakep. Diad sakey a sampot wadmay sakey a baleg a katren kamagon ya apatiray lusek ton mangaampatot na tuktok ya angibitinay kubongkubong, tan diad abay walay sakey a lami-
