dan mangusil ed saray tutulisan, mabetbet a nagagawan sinkaten da lay ononan nasagmak da tan pairapen day agla nabitlad
sulit. Manlapod pikakabat tod dilin kaleteyan to, ya amta ton
anggapoy nagawaan to, say Uley ipapangta toy konwarin biskeg
to ed sebeg na panagdusa tod saray totoon kapepelagay inap
to, ta pian diad ontan lan nanengneng a sulit tan duksá et agda
nabalaw na totooy petepeteg a kakapuyan to,-say takut tan
paga to ya makasesengeg iranian panagpairap.
Sakey ya oriagew, anemirá ono pitora ed sarayan masegsegang a naplagay inap a tinataker irad sikó tan binabalor ni lima rad beneg ya singa ra impansisipol a tagilakon lamay too, so tetengtengey samplora ono labinduan sondalon nanegnay pusil ed sakey a dalan ed alosarsar na sakey a palandey. Kagkagtangay agew, saray bayoneta da ran may sondalo mancsiab irad sinag tonia, saray kanyon na pusil da manaspok ed petang. tan saray bulong na scbusob ya inaapis ed capacete¹ ra samsamet dan nanaamper so makapunaw a petang na agew na bulay Mayo.
Agda nagalaw so limara tan nanpipitpitan ira pian ag naabak so lubir, manaakar iran letakletak so uló rad agew tan kasalisalí, ya mapalpalar lad sikaray walay akabaliber a panyod uló to. Mandongap ira, mapalaloy irap da, akuyapotan iray dabok a nanmaliw lan pitek ed inkaames day linget. say pakalikna rad utek da singa natutunaw, a mankidiam iran silew tan mantsa ran amalangan aliling na dalá so singa nanenengneng dan milmilad dagem a susongapen. Mapatpatnag ed lupa ray banal tan kesaw da, tan ontan met na inkaandiay ilalo, sanok, liknaan a mairap ya isalaysay, kalilimgis na manpapanabos a mangisasamba, odino kanenengneng na toon kainglit to lay bilay, dílin inkasikato, tan nadadansak to lan pati Dios..... Saramay mamakpel, itewek dan iporapor day lupa rad maringot a beneg na walad arap, pian napunasay managagos a linget a makabubulag ed sikara; dakel ed sikaray mankitlaey. No wala bilang so diad kiparukol to et nabara toy kurang, narengel so makapagimlit na bagon panamabaing, insan nitan lad satay sakey a sondalon iwaswaswas toy sangan tinaksing tod sakey a kiew, tan pasouten ton onalagey, a gapoan toy sikdak ed biek tan biek. Ikuyat da ran may tinengteng ya
________________
1 Sombriron balatyang a katekep toy sanib na lupa ya inabotan ed petek na sangi tan matá.
