sikated walan itsuray panagbilay, tan no nunot so manayam ed
Ibale anggapo lay mas maong nen si Pelacz ta nanlapod inkaugaw to et amta to lan ami galaw ya anggapoy makalokod sikato.
Sinmabí panaoy kuaresma, linmabas so semana santa, libot na Jueves Santo, Viernes Santo, Abetabet, tan amin day naugalíyan a seremonyas, tan anggapoy bengat lan balon agawa likor labat so maamot ya inalsa ray artilleros ya ag balot pinmaway ya akabatan no antoy petepeteg a nansengegan. Inggeba da ray kaabongan ya sinigpit tan barong-barong a manbanbantay so sakey a kompaniay sondalo ran dikabayoan ya akakasa ray pusil dan akaparaan iran mamaltog ed saray akanabong no bilang ta ontonganga ra; akis a baleg so agawa, tagtagleey, balet ta ag linmabas dia. Saray mirón a sakey cd sikaray Simoun, a linmaran mannengneng ed saray pangaskasiyan kalamor a diay ayaman, mamaspasiar iran liberliber ya amagamaga, tan inkuan da ta salamat la ta makaugip laran mareereen ya anggapo lay pagpaga rad úlam.
Diad mantapos so abril, alingoanan la ray pagpága ed linmálabas, tan andi arum a pialagar day totood Ibale no ag say punsian baleg ed pankasal na anak nen Don Timoteo ya ánaken nen lawas mapaguston Sankatageyan a Kapitan General. Say dengel ta si Simoun so angasikaso nia. Say bansal nagawa duay agew kasakbayay ipikal nen Sankatageyan a General, ondágcp yad abong ya mibansal tan rigaloan toy nobio. Wala ni ray mangieesaes ya si alajero mansibuag na brillante tan inákop a perlas a pamagalang tod anak na kasosio to, tan manlapod ag makapangiter na punsiad abong to ta anggapoy abong ton dili lanti, insan sakey ni et anggapoy makaibad sikaton mansankaili ta balolaki, samboten to lan ibansag ed saman a okasion a pabalegen niman a bansal a pangipanengneng tod saray pilipinoy panlikna to met ed itaynan to la, tan pamúlag to met lad sikarad panggawa toy patanir ya agda nalinlingoanan. Entiron Ibale manpaparaan ya mantatalaray bagá. Sakey tan sakey mapagpagan manpokál so pagew to agla pigá ta natilak ya ag nabagaan. Pansasamsamanan day pikaaro rad Simoun, tan dakel ed saray lalaki so pinapasout iray kaasawaan dan mansaliw na putel iran latok a balatyang tan atep a zinc ta piano makapikaaro ra labat ed Don Timoteo Pelaez.
