Tan napatnagan cd tonoy bosis to ya say labay ton ibaga sikatoy nanlapoan.
"Tan ipasigurok met ed sikayon walay nagawan punsian baleg," kuanton intuloy ya singa walay yaamot ton araldalem.
Tuá ya si Paulita et mimiasawa cd kinen Juanito Pelaez. Say aro tod Isagani naomas ya unong lawas na kakaomas na inmonan panangaro ya tinmobod dakep na anlong tan layap na liknaan. Saray agawgawan nisengeg ed saramay paspaskin tan say inkaperiso nen Isagani, inekalan dad matá nen Paulitay amin a nanenengneng to lawarin kaabigan to. Siopa ta sirin so ambagel a makanunot ya onlan anapen toy kaatapan, manpilalek a midamay ed saray ibiba to, palapoen tod linawa toy omparungtalanta amin a too et onaamot ya mangitatapat na bengat lan impibibiang da? Sakey a katapisan, kaambagelan, ya anggapoy tood Ibalen sustod panagnunot a makapangitepel, tan walay pankatonungan nen Juaniton manbalaw a panelekan to nen tinungtong toy itsuray inakar nen Isaganid Gobierno Civil ya tinmunbok a linman akidamay ed saray narel iran ibiba to. Nisesengeg ed saraya, ag pankelawan a si nadadayew a Paulita et nakal ya aminpinsan so aro tod sakey a tubonbalon bangking so pakatalus tod panbibilayan ton panaon tan balbalawen ni nimet na amin a too ya anggapoy milad sikato. Si Paulita ginapoan toy nanmurekdek. Si Juanito matudió, alisto, masayaksak, pilyo, anak na sakey a komersiantin mayaman a taga Ibale, mestisoy kastila ni nimet, ya no sisiaey ibábaga nen Don Timoteon dildíli, kastilan anggapoy akalaok ed dala to; si Isagani balet indion probinsiano ya andi lay pikugip to saray taketakel ton napnoy linta, ag amtan petepeteg so boleg to, ya walay pangamaen ton párin kabusol to lági maong a panagbilay tan saray sayasayaw ya kalikliketan to ra nimet. Sakey a magayagan kabuasan abilibilí tod kalakal to ya balbaleg so inkalingo tod impamilí tod Isagani, tan nanlapo met lad saman naimanon manlour so bukot nen Pelaez. Say totuntonen a ganggan ya apapaway nen Darwin1 susumpalen nen Paulitan. matintinunos anggaman agto gagalaen: say kabaiyan pipilien ton pangiteray inkasikato may kalakian ya matalonggaring ed saray arum, amta toy gaween to tan mainomay ton itumbok so inka-
_________________
1 Sakey a cientifico ya ingles a say teatría to say too nanlapo ed bakes.
