pa. Diad saray kabkabat tayo si Isagani tan Sandoval labat so
magmaong so asumpalan da: samay akaona nisapat toy ibabangat nen pári Fernandez anggaman naplag lad saray arum, tan
sayay komadua, akasapot ta inelew to ray managiksamen ed
gaway dukey tan nankakalawakaw ya impandiskurso to. Bukbukor nen Basilio kalamor so ni akasapat, ni naplag, ni akakar
cd Europa: nanlargod pangawan ed Bilibid ya sasalaysayen dan
kinatlo na apasakey a nanlapod gapó, ya bukor labat daray
mangoukum ed sikatoy mansasalat ya alabás nen diad onman.
la bilang a kabaleg na kasalanan et anggapoy nagawaan day
okum, odino nagsitakot iran ombabatik.
Tan legan dan manougip tan manmemeneng iray expedientes ed panangokuman, legan dan mansasbin mandakel tan manpeles so sineselloay akamayamay iran makakapal a sulsulat ya aliling day dakdakel ya implaston papaipakep na sakey a medikon gunggong ed lamay toon mansasakit na nerbios, onsásabid kinen Basilion amin so agawgawad Tiani, say itsuray impatey nen Julí, tan say inkaandipat nen Tandang Selo, ta si Sinong, a saya may adusán binakbak a kotsiro ya angitulor ed sikatod San Diego, manaayam ed Ibaled saraman ya agew, dadalawen tod pangawan tan totungtongen tod sikaton ami nagagawa ya anggapoy natitilak.
Nipawil ti balet ed Simoun, inmabig la, no sisiaen so ibábaga ray palapágan. Si Ben Zayb akisalsalamat ed "Makapanyari ya mangaantabay na onman lan súri bilay" tan imbesngaw toy ilalo ton say Sankatageyan et yabuloy ton napapaway ed sakey ya agew no siopay mauges a toon nankasalanan, ya napapalabas labat so ginawa ton kaugsan nisesengeg ed matamoy a panangasi apaunong tan mapalalon pananumbok toy kálar na Katawan ya pinairap tan impasak: "Amák, pirdonam ira ta agda amtay gagaween da!"1 Onia tan arum niran balikas so isusulat nen Ben Zayb ed palapágan, legan ton susuysuyen balet a tetepettepeten no tuay dengeldengel a si mayaman ya alajero et mangiter na baleg a pista, sakey a punsian agni anengnengneng ed dakep tan bonlok ya panliliketan ed inabig to, tan onkani met lan singa patanir tod bansá ya akaparakelan toy kayamanan to. Tua ta walaray mangieesaes a lapod miulop lan ompawil ed kinen Kapitan General ta say panuley to nia et mantapos na Mayo, gagaween nen Simoun so anggaay nayarian to
________________
1 Inmonan salitay Katawan nen impasak ed krus.
