Nanlapod saray kaonoran ya agawgawa, dakdakel iray atáteng ya pinapatonda da la ran manaaral so ának dan lalaki ya akauley la ran manteteyengteyeng odino onarap a manasikásoy dálin.
Kasabi eksamin ed sampot na kurso dakdakel iray naplag, tan mataltalag so akasapat ya akilamanan ed samay nibantog togiop ya anggapo met lay angasikaso. Si Pekson, Tadeo, tan si Juanito Pelacz naplag met ira. Sayay akaona panelelekan to ngolan may kakaelek ton singa elek na atapis so inkapaktak to, tan insipan ton onloob a mankimey ed iner man ya okuman; si Tadeo ta arapat ton siansiay agto la yórong ya angga lad angga, pinerapera toy linawa to ya pinoulan ton ginawan talaksan iray libro to; saray arum agmet ira akasapat tan apasout la ran tinmondan nanaral ed baleg a liket day kainaan da ta sipor la kalamor a mapagpaga ra ta singa da lara sankanengneng so ának dan ibitay no nasabín natalusan day ibábaga ray libro. Bukor nen Juanito Pelaez so mairap so linawa tod sayan inkagawa ta no agla onorong kapilitan a say laen to dimad tindaan nen ama to, bangta ginawa to la nian kasosio to. Anapanapen to may panagluko tan panagsutil tod saray ibiba to tan nanaalipanesan dimad tindaan, balet ta ag abayag, anengneng da lamet na kakaaro ton atagtagey la ngola may malinilimpek a bukot tod beneg a pakapatnagan ya ompapawil lay gendat a sayaksak to. Si mayaman a Makaraig diad saman ya agawan makapataktakut a gelew nanpareen ya ag pinmarungtal, tan lapod akalay pasaporte to, ta baleg lanti pakayari kuarta, batik lan tampol ed Europa. Kuanda ta si Sankatageyan a Kapitan General diad pilalek ton manggaway maabig ya agto man nonunotey nagonggona to, tan diad panangasikaso tod kaabigan day pilipino, pasusuyaten toy ipikal na siopaman ya agto nipanengneng
ed panaggastos to kasakbayay isipot to, ya sarasarag toy manggastos tan manbilay a mankanawnawad saray siudades ed Euro-
