- L'Espagne et sa vertu,
- l'Espagne et sa grandeur
- Tout s'en va!¹
- -VICTOR HUGO)
- L'Espagne et sa vertu,
Saray palapágan ed Ibale anggapó lay lugan dan arum ne ag say panotungtong day sakey a nibantog ya impamatey ed Europa, say anggad lurem a pandaydayew dad pigaran managsirmon ed siudad, tan say inagewagew a manpalalon ibabawag na kaabigay sarsuilan frances, ya samsamet da nasasalitay mauges iran gagaween cd lúyag na sakey a ulop day tutúlisan ya ipapanguloy sakey a makapataktakut tan masebeg a lakín tatawagen day Matanglawin.2 Sa labat so pakaarap da no say louban da et konbinto, ono kastilay sabaten ono takewan da, ya ompaway irad satay andurukey a palapag a panungtongan day makapabegás na bago ran agawa ya bansag na pankerew dad satay pangipaakseb na makapataktakut ya uley na militar, panagdusa ran andi panangasi, etc., etc. Kanian onian agda met naarap so agawad báley na Tiani ya anggapon balot so akalamit ya abitlan anggan anto. Diad arum a kaabongan walaray daiset ya esaesan nipaakar ed saman ya inkagawa, balet ta anggapoy malinew, anggapoy apatuá, ag mantotukoyan iray ibabaga ra, ya ag pati akabatay ngaray apaunong, tan anggan saramay sankaangipatnag na pililikna ra, alingoanan da met lan agangganó, ya inisip dan wala met angankoy bengat lan ginawan impipaabigan ed boleg ono kakanayon ya apasákitan. Say akábatan labat a petepeteg so akaukolan a tinmaynan si pári Camorra ed báley a nialis ed sananey, odino manayam a maganó ed konbintod Ibale.
___________________
- 1 Say España tan ábig ton masuri.
Say España tan lalang ton mabli Maminpinsan ya naandí!
- 2 Matay-baga.
-327-
