de Paz, et saya andi met ed abong ta impatawag dad konbinto;
tinmalus ed abong nen teniente mayor, et agto asabí, ta wala
met ed konbinto; sinmabin anggad kuartel, et si teniente Guardia Civil walad konbinto met..... Pinmawil lad satay masiken
ed barrio ya manangis kalamor a singa ugaw; sanlábin sankarengel so pantagtagloung to; manketket irad bibil day lalaki,
mandakudakop iray bibii, tan saray áso kisupoksupok irad
kaabongan dan natatakut a sankasigpit day ikol dad sali ra!
"Ah Katawan, ah, Katawan!" kuay sakey a biin makmabeng la kalamor ed panagayunal to; "diad mablin arap mo anggapǝy mayaman, anggapoy duká, anggapoy ampoti baog to, anggapoy andeket..... Sikay mangiter na kaptekan!"
"On," kuay asawa ton inmcbat; "dapot no satay Katawan ya isisirmon da et walan tua, ya aliwa labat lan pabrika ra ono panluloko ra! Ta unong na nanaimatonan, sikaray unonaunan ag manisiad Sikato!"
A las ocho ed saman a lábi, kuay dengel ta masulok a pitoran papári so sinmabin nanlalapod báley iran kaliberliber ya walarad konbinton manounteng. Kaimbuasan, naandipat ya aminpinsan ed barrioy Tandang Selo ya awit to may gayang ton panaganop.
