"Anggapoy utang ton man ed siak! Awatan et ataynan toy Paulita?"
"Mainomay a makalmoy nobio to man, áli. Nangisan to met lági daiset. insan la miásawad kastila!"
Sakey iman ed saray lábin sankaermenan. Agsi dasal iray rosario ed kaabongan tan saray masasantos a bibii pinapagtangan da ray kakamarerua ray inaatey laran kakanayon tan kakaaro ra na akamayamay ya Amami tan requiems. A las ocho na lábi anggapo lay nanengneng a manaakar: wala labat iray tonggal paminsan a narengel a palakapak na manbagtik a kabayo tan say kalatakat na kampilan ya ondadapod diking to, insan mantotumbokan a pasiot day guardia, tan luganan iran manlabas a mapmaples ya alabas nen ousilan iray ag nabilang a pulok day onaalsad Uley.
Ontan man aliwa met ya amin a pasen et asilok iray totood. takut.
Diman ed abong na plateron tutondaan nen Plácido Penitente, sasalitaen da met iray agawgawa tan kukutengtengen daran singa anggapoy unong a pága ra.
"Agko manisiad saratay paspaskin!" kuay sakey a manag kimey a mabeng, a singa amagaan so laman to ed gaway panag. sibok to lági suplete; "say isip ko labat ta gawa nen pári Salví lan lamang iratan!"
"Ehem. ehem!" kuanen maestroy plateron insigamsigam, too yan mapasakbay, ya agmet ontalek a mamatondad samay. mansasalita ta ompan ibaga ran payoti. Sigam sigam labat tan kikindatan to may managkimey to, insan to ilimgis iray matá tod lansangan, a singa bilang pangibaga toy:..... "Ompano walay mansisiim cd sikatayo!.....
"Say akasengeg samay opereta!" kuanton intuloy nimay managkimey.
"Oho!" kuanmet na sakey a lupay tanga; "kuanko la lanti! Kaniantin.....'
"Hm!" kuay ebat na sakey ya eskribiente ya akasian tora: "tua ra may paspaskin, Chichoy, balet ipaliwawak irad sika!"
Insan to intuloy ed bosis a singa walay yaamot to:
"Say akanggawa si intsik Quiroga!"
"Ehem, ehem!" kuan lamet nen maestron insigam, ya imbales toy intamikil ton gagalen ed biek ya aping to.
